കച്ചവടക്കാരുമായി ചേർന്ന് തട്ടിപ്പ് ;ആമസോണിന് 9000 കോടിയിലധികം രൂപ പിഴ

റോം:ആമസോണിന് 9000 കോടിയിലധികം രൂപ പിഴ ചുമത്തി ഇറ്റലി.കച്ചവടക്കാരുമായി ചേർന്ന് തട്ടിപ്പ് നടത്തിയതിനാണ് ഇറ്റലിയിലെ ആന്റി ട്രസ്റ്റ് റെഗുലേറ്റർ 1.1 ബില്യൺ യൂറോ പിഴ ചുമത്തിയത്. ഓൺലൈൻ വ്യാപാര രംഗത്തുള്ള മറ്റ് കമ്പനികളെ തകർക്കുന്നതിന് കമ്പനിയുടെ ലോജിസ്റ്റിക് സേവനങ്ങൾ ഉപയോഗിക്കുന്ന മൂന്നാം-കക്ഷി വിൽപ്പനക്കാരെ ഉപയോഗിച്ചതിനാണ് നടപടി.

ആമസോണിനെതിരെ സമാന ആരോപണത്തിൽ മറ്റ് രാജ്യങ്ങളിലും നടപടിക്ക് നീക്കം നടക്കുന്നുണ്ട്. ഒരു ഉൽപ്പന്നം വാങ്ങാൻ ഉപഭോക്താക്കൾ ക്ലിക്കുചെയ്യുമ്പോൾ, ഡിഫോൾട്ട് ഓപ്ഷനായി അല്ലെങ്കിൽ ബൈ ബോക്സ് ആയി ദൃശ്യമാകാൻ കൂടുതൽ സാധ്യത നൽകുന്നതുൾപ്പെടെ അതിന്റെ വെയർഹൗസും ഡെലിവറി സേവനങ്ങളും ഉപയോഗിക്കാൻ പണം നൽകിയ ഇറ്റലിയിലെ ചില കച്ചവടക്കാർക്ക് അമിതമായ പ്രാധാന്യം നൽകിയതിനാണ് നടപടി എടുത്തിരിക്കുന്നതെന്നാണ് റിപ്പോർട്ട്.

1.13 ബില്യൺ യൂറോയുടെ പിഴയാണ് ഇപ്പോൾ ഇറ്റലി ആൻറിട്രസ്റ്റ് റെഗുലേറ്റർ ആമസോണിനെതിരെ ചുമത്തിയത്. ആമസോണിനും മറ്റ് വൻകിട ടെക് കമ്പനികൾക്കുമെതിരെ യൂറോപ്പിലെയും മറ്റിടങ്ങളിലെയും ആന്റിട്രസ്റ്റ് എൻഫോഴ്സ്മെന്റ് രംഗത്തെത്തിയിട്ടുണ്ട്. ചെറുകിട എതിരാളികളെ തകർക്കാൻ തങ്ങളുടെ ആധിപത്യം ദുരുപയോഗം ചെയ്തുവെന്നാണ് ആമസോണിനെതിരെ ഉയരുന്ന ആരോപണം.

അതേസമയം ആൻറി ട്രസ്റ്റ് റെഗുലേറ്റർ പിഴ ചുമത്തിയതിനെതിരെ അപ്പീൽ പോകുമെന്ന് ആമസോൺ ഇറ്റലി വിഭാഗം പ്രതിനിധികൾ അറിയിച്ചു. ഇറ്റാലിയൻ നിയമവ്യവസ്ഥയിൽ ആദ്യ കോടതി പിഴയും പ്രതിവിധികളും സ്ഥിരീകരിച്ചാൽ കമ്പനിക്ക് വീണ്ടും ഉയർന്ന കോടതിയിൽ അപ്പീൽ നൽകാം. പിഴ കുറയ്‌ക്കാനോ ആമസോണിൽ വരുത്തേണ്ട മാറ്റങ്ങൾ ക്രമീകരിക്കാനോ കോടതിക്ക് തീരുമാനിക്കാം.