കുനൂർ ഹെലികോപ്റ്റർ അപകടം ; ബിപിൻ റാവത്തിന്റെ നിര്യാണത്തിൽ അനുശോചിച്ച് കലാ കുവൈറ്റ്

കുവൈറ്റ് സിറ്റി : തമിഴ്നാട്ടിലെ കുനൂരിലുണ്ടായ ഹെലികോപ്റ്റർ അപകടത്തിൽ അന്തരിച്ച സംയുക്ത സൈനിക മേധാവി ബിപിൻ റാവത്തിന്റെയും, ഭാര്യ മധുലിക റാവത്തിന്റെയും മറ്റ് സേനാംഗങ്ങളുടെയും നിര്യാണത്തിൽ കേരള ആർട്ട് ലവേഴ്‌സ് അസോസിയേഷൻ, കല കുവൈറ്റ് അനുശോചനം രേഖപ്പെടുത്തി. നിലപാടുകളിൽ കണിശക്കാരനും ആധുനിക യുദ്ധമുറകൾ രൂപപ്പെടുത്തുന്നതിൽ അഗ്രഗണ്യനുമായിരുന്നു ബിപിൻ റാവത്തെന്ന് കല കുവൈറ്റ് അദ്ധ്യക്ഷൻജ്യോതിഷ് ചെറിയാൻ, ജനറൽ സെക്രട്ടറി സി കെ നൗഷാദ് എന്നിവർ പറഞ്ഞു.

കാലത്തിന്റെ മാറ്റത്തിനനുസരിച്ച് സേനകളെ എങ്ങനെ സജ്ജമാക്കണമെന്ന് കൃത്യമായ ദിശാബോധമുള്ള മേധാവിയായിരുന്നു ബിപിൻ റാവത്ത്. അദ്ദേഹത്തിന്റെ വിയോഗത്തിൽ രാജ്യത്തിന്റെ ദു:ഖത്തോടൊപ്പം പങ്ക് ചേരുന്നുവെന്നും കലാ കുവൈറ്റ് അനുശോചിച്ചു.