തിരുവനന്തപുരം : കേരളത്തിൽ ആസൂത്രിതമായി കലാപമുണ്ടാക്കാൻ ശ്രമം നടക്കുന്നുവെന്ന് ആരോപിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ . ഇവിടെ നടക്കുന്നത് വർഗീയ വികാരം ഇളക്കിവിടുന്ന പ്രചാരവേലയാണ് . ബോധപൂർവ്വമുള്ള ആക്രമണമാണ് നടക്കുന്നതെന്നും കോടിയേരി പറഞ്ഞു .
ഒരു കൊലപാതകം നടന്നാൽ എസ്ഡിപിഐയ്‌ക്ക് ആഹ്ലാദമാണ് . സി പി എമ്മിൽ നുഴഞ്ഞു കയറാൻ എസ്ഡിപിഐക്ക് കഴിയില്ല. മുസ്ലീം വിഭാഗക്കാർ എല്ലാം എസ് ഡി പി ഐക്കാരല്ലെന്നും കോടിയേരി പറഞ്ഞു
ആലപ്പുഴ കൊലപാതക കേസുകളിലെ പ്രതികളെ പിടികൂടാൻ പോലീസിന് കഴിയും. എവിടെ പോയി ഒളിച്ചാലും പിടികൂടും .ജനുവരി നാലിന് പ്രാദേശിക കേന്ദ്രങ്ങളിൽ സിപിഎം ജനകീയ കൂട്ടായ്മ സംഘടിപ്പിക്കുമെന്നും കോടിയേരി കൂട്ടിച്ചേർത്തു
സിൽവർ ലൈൻ കേരളത്തിനാവശ്യമായ പദ്ധതിയാണ്. ഇക്കാര്യത്തിൽ തരൂരിന്റേത് കേരളത്തിന്റെ പൊതു നിലപാടാണ് . ശശി തരൂരിനെതിരെ നടക്കുന്ന വിമർശനങ്ങൾ പാർട്ടിയിലെ ആഭ്യന്തര പ്രശ്നങ്ങളുടെ ഭാഗമാണെന്നും കോടിയേരി ബാലകൃഷ്ണൻ വാർത്താ സമ്മേളനത്തിൽ പറഞ്ഞു.
Comments