വിനോദത്തിനും വിജ്ഞാനത്തിനും ആശയവിനിയമയത്തിനുമെല്ലാം നാം ഉപയോഗിക്കുന്ന സമൂഹമാദ്ധ്യമങ്ങൾ ചിലപ്പോൾ നമ്മളെ കുഴപ്പിക്കാറുമുണ്ട്.ഇതെന്ത് എന്ന് ചോദ്യം വരുന്ന ചിത്രങ്ങളുടേയും ചോദ്യങ്ങളുടേയും ഉത്തരം കണ്ടുപിടിക്കാൻ മണിക്കൂറുകളും ദിവസങ്ങളും വരെ ആളുകൾ ചിലവിടുന്നു.
അത്തരമൊരു ചിത്രമാണ് ഇപ്പോൾ ചർച്ചയാകുന്നത്. ഉണങ്ങിയപുല്ലുകളും മരങ്ങളും ഉൾപ്പെട്ട ചിത്രമാണ് കാഴ്ചക്കാരെ ഏറെ കുഴപ്പിക്കുന്നത്.ഇതിലെന്ത് കാര്യം എന്നല്ലേ. ? ചിത്രത്തിൽ ഒളിഞ്ഞിരിക്കുന്ന പുള്ളിപ്പുലിയെ കണ്ടെത്താനാണ് ചിത്രം പങ്കുവെച്ചവർ കാഴ്ചക്കാരെ വെല്ലുവിളിക്കുന്നത്.
ഒളിഞ്ഞിരിക്കുന്ന പുള്ളിപ്പുലിയെ കണ്ടെത്താനാവാതെ നട്ടം തിരിയുകയാണ് ആളുകൾ.എന്നാൽ ചിലർക്കാകട്ടെ വളരെ വേഗത്തിൽ പുള്ളിപ്പുലി നിൽക്കുന്ന സ്ഥാനവും കണ്ടെത്താനായി.കണ്ടെത്തിയവർ പുള്ളിപ്പുലിയുടെ സ്ഥാനത്തെ പറ്റി ബാക്കിയുള്ളവർക്ക് സൂചനയും നൽകിയിട്ടുണ്ട്.
സൂക്ഷിച്ചു നോക്കിയാൽ ചിത്രത്തിന്റെ ഇടത് വശത്തായി മരത്തിനിരികെയാണ് പുള്ളിപ്പുലി ഒളിഞ്ഞിരിക്കുന്നത് കാണാം.എന്തായാലും ഇത്തരം ചിത്രങ്ങൾക്ക് വലിയ സ്വീകാര്യതയാണ് സമൂഹമാദ്ധ്യമങ്ങളിൽ ലഭിക്കുന്നത്. സമ്മർദ്ദം കുറയ്ക്കാനും ഏകാഗ്രതയ്ക്കും ആളുകൾ ഇത്തരത്തിലുള്ള ചിത്രങ്ങൾക്കും ചോദ്യങ്ങൾക്കും ഉത്തരം കണ്ടെത്താൻ ശ്രമിക്കുന്നു.
