ആലുവ: ക്ഷേത്രങ്ങൾ ആളുകളുടെ സ്വഭാവരൂപികരണത്തിന്റെ ഇടങ്ങൾ ആണെന്നും അതിലേയ്‌ക്കുള്ള കടന്നുകയറ്റം അനുവദിക്കില്ലെന്നും സുരേഷ് ഗോപി എം.പി. ആലുവ ചെറിയത്ത് നരസിംഹസ്വാമി ക്ഷേത്രത്തിൽ ഉപ ക്ഷേത്രത്തിലെ ചുവർ ചിത്രത്തിന്റെ അനാച്ഛാദനം നിർവ്വഹിക്കുകയായിരുന്നു അദ്ദേഹം.
അച്ചടക്കം ജീവിതത്തിലേക്ക് കൊണ്ടുവരുന്നതിന്് വേണ്ടിയാണ് ഭക്തിമാർഗത്തിലൂടെ വിശ്വാസികൾ സഞ്ചരിക്കുന്നത്. പത്മനാഭ സ്വാമിക്ക് മഹാരാജാവ് നൽകിയ ആടയാഭരണങ്ങൾ ആരും ചോർത്തിക്കൊണ്ടുപോകാമെന്ന് വിചാരിക്കണ്ട. ഇതെല്ലാം നമ്മുടെ അവകാശമാണ്. ആ അവകാശത്തെ നിഗ്രഹിക്കാമെന്ന് ആരും കരുതേണ്ടെന്നും സുരേഷ് ഗോപി പറഞ്ഞു.
ക്ഷേത്രത്തിലെ ശ്രീകൃഷ്ണ ഉപക്ഷേത്രത്തിൽ പൂർത്തിയായ ചുവർചിത്രമാണ് സുരേഷ് ഗോപി അനാച്ഛാദം ചെയ്തത്. ക്ഷേത്ര ചുവരുകളിൽ ചിത്രം വരയ്‌ക്കുന്നതിന്റെ മുന്നോടിയായാണ് ആദ്യം ശ്രീകൃഷ്ണ ക്ഷേത്രത്തിൽ ചിത്രങ്ങൾ വരച്ചത്. ദ്വാരപാലകരുടെയും കൃഷ്ണവേണുഗോപാലവും ബാലഗണപതിയും ഉൾപ്പെടെയാണ് ചുവർ ചിത്രങ്ങളായി ആവിഷ്‌കരിക്കുക.
ക്ഷേത്ര മുറ്റത്തും വളപ്പിലും വിവിധയിടങ്ങളിലായി കേരവൃക്ഷം നടുന്നതിന്റെ ഉദ്ഘാടനവും സുരേഷ് ഗോപി നിർവ്വഹിച്ചു.
Comments