കാൻബെറ: വാക്‌സിൻ നിർബന്ധമാക്കിയതിൽ മനംനൊന്ത് യുവാവ് ആത്മഹത്യയ്‌ക്ക് ശ്രമിച്ചു. ഓസ്‌ട്രേലിയയിലെ വിക്‌ടോറിയയിലാണ് ഈ ഞെട്ടിക്കുന്ന സംഭവം. കൊറോണ രോഗബാധിതരുടെ എണ്ണം വർദ്ധിച്ചതോടെ രാജ്യത്ത് കൂടുതൽ നിയന്ത്രണങ്ങൾ ഏർപ്പെടുത്തിയിരുന്നു.
പൊതുഇടങ്ങളിലടക്കം വാക്‌സിൻ സ്വീകരിച്ചവർക്ക് മാത്രമേ പ്രവേശനം അനുവദിച്ചിരുന്നുള്ളൂ.വാക്‌സിൻ നിർബന്ധമാക്കുകയും കൂടുതൽ നിയന്ത്രണങ്ങൾ ഏർപ്പെടുത്തുകയും ചെയ്തു. ഇതിൽ മനംനൊന്താണ് യുവാവ് ആത്മഹത്യയ്‌ക്ക് ശ്രമിച്ചത്.
ദേശീയപാതയിലെത്തിയ യുവാവ് ആദ്യം രാജ്യത്തെ കൊറോണ വാക്‌സിൻ നയങ്ങൾക്കെതിരെ സംസാരിക്കുകയും പീന്നീട് കാറിന് തീ കൊളുത്തുകയുമായിരുന്നു. കാറിന് തീപിടിച്ചതിന് പിന്നാലെ സ്വയം തീ കൊളുത്തി.
ഉടൻ തന്നെ സംഭവസ്ഥലത്ത് ഉണ്ടായിരുന്നവർ ചേർന്ന് രക്ഷാപ്രവർത്തനം നടത്തുകയും യുവാവിനെ സമീപത്തെ ആശുപത്രിയിയിലെത്തിക്കുകയുമായിരുന്നു. യുവാവ് അപകടനില തരണം ചെയ്തിട്ടില്ല എന്നാണ് റിപ്പോർട്ട്. യുവാവിനെക്കുറിച്ചുള്ള കൂടുതൽ വിവരങ്ങൾ പുറത്ത് വിട്ടിട്ടില്ല.
Comments