കൊല്ലത്ത് ഭാര്യയെ കഴുത്ത് ഞെരിച്ച് കൊന്ന് ഭർത്താവ്; പിന്നാലെ വിഷം കഴിച്ച് ആത്മഹത്യാശ്രമം

കൊല്ലം: കണ്ണനല്ലൂരിൽ ഭാര്യയെ കഴുത്ത് ഞെരിച്ച് കൊന്ന് ഭർത്താവ്. കൊല്ലം കണ്ണനല്ലൂർ വെളിച്ചിക്കാലയിലാണ് സംഭവം.

വെളിച്ചിക്കാല സാലു ഹൗസിൽ ജാസ്മിൻ (40) ആണ് കൊല്ലപ്പെട്ടത്. കൊലപാതക ശേഷം ഭർത്താവ് ഷൈജു വിഷം കഴിച്ച് ആത്മഹത്യയ്‌ക്ക് ശ്രമിച്ചു.

അസീസിയ മെഡിക്കൽ കോളേജിൽ പോലീസിന്റെ നിരീക്ഷണത്തിലാണ് പ്രതി. കൊലപാതകത്തിലേക്ക് നയിച്ച കാരണം കാരണം ഇതുവരെ വ്യക്തമായിട്ടില്ല. കുടുംബപ്രശ്‌നമാകാമെന്നാണ് പ്രാഥമിക നിഗമനം.