ന്യൂഡൽഹി : മലയാളിയായ സൂരജ് നമ്പ്യാരെ വിവാഹം കഴിച്ച നടി മൗനി റോയിക്ക് ആശംസ നേർന്ന് കേന്ദ്രമന്ത്രി സ്മൃതി ഇറാനി. മൗനിക്ക് സന്തോഷവും ഐശ്വരവും ആശംസകളും അറിയിച്ച സ്മൃതി, വരൻ സൂരജ് നമ്പ്യാർ ഭാഗ്യവാനാണെന്നും സമൂഹമാദ്ധ്യമത്തിൽ കുറിച്ചു.
2000-കളുടെ തുടക്കത്തിൽ, സ്റ്റാർ പ്ലസിന്റെ ഹിറ്റ് ഷോയായ ക്യൂങ്കി സാസ് ഭി കഭി ബഹു തിയിലെ തുളസി വിരാണിയുടെ വേഷത്തിലൂടെ പ്രശസ്തയായ താരമാണ് സ്മൃതി. ഷോയിൽ സ്മൃതിയുടെ ദത്തുപുത്രിയായ കൃഷ്ണ തുളസിയായി അഭിനയിച്ചത് മൗനിയാണ് . ഇക്കാലത്തെ ബന്ധം മുൻനിര്‍ത്തിയാണ് സമൃതിയുടെ കുറിപ്പ്.
‘‘17 വർഷം മുമ്പാണ് ഈ പെൺകുട്ടി എന്റെ ജീവിതത്തിലേക്ക് കടന്നു വന്നത്. അവളൊരു തുടക്കക്കാരിയാണെന്നാണ് അവർ പറഞ്ഞത്. എന്നാൽ അവൾ ബുദ്ധിമതിയായിരുന്നു. അവളെ സുഹൃത്തായും കുടുംബാംഗമായും ലഭിച്ചവർ ഭാഗ്യമുള്ളവരാണ്. അവൾ നല്‍കിയ ജീവിത പാഠങ്ങൾ അവർക്ക് സന്തോഷവും ഊഷ്മളതയും നൽകും . ഇന്ന് അവൾ പുതിയൊരു യാത്ര തുടങ്ങുകയാണ്. ദൈവം അവളോട് കരുണ കാണിക്കുകയും അവൾക്ക് സന്തോഷവും ഐശ്വര്യവും ആരോഗ്യവും നൽകുകയും ചെയ്യട്ടേ. വരൻ ഭാഗ്യവാനാണ്. ദൈവം അനുഗ്രഹിക്കട്ടെ’’– സ്മൃതി കുറിച്ചു.
ഇതിനു നന്ദി പറഞ്ഞ് മൗനിയും രംഗത്തെത്തി., “ഇത്രയും മനോഹരമായ വാക്കുകൾ.. നിങ്ങൾക്കും നിങ്ങളുടെ സ്നേഹത്തിനും ഞാൻ വളരെ നന്ദിയുള്ളവളാണ്. നിങ്ങളെ വളരെയധികം സ്നേഹിക്കുന്നു.. ഇവിടെ നിങ്ങളെ ഞാൻ മിസ്സ് ചെയ്യുന്നു. “ മൗനി റോയ് പറഞ്ഞു. മൂന്ന് വർഷത്തെ പ്രണയത്തിനൊടുവിൽ ഇന്നലെയായിരുന്നു സൂരജ്-മൗനി വിവാഹം.
Comments