മുംബൈ: കോടികൾ വിലവരുന്ന അതിമാരക മയക്കുമരുന്നുമായി വിദേശ വനിത പിടിയിൽ. 60 കോടിയോളം രൂപ വിലവരുന്ന മയക്കുമരുന്നുമായി 40 കാരിയായ സിംബാബ്വെ പൗരയാണ് അറസ്റ്റിലായത്.
മുംബൈ വിമനത്താവളത്തിൽ വെച്ചാണ് റോസി എന്ന സിംബാബ്വെ പൗര പിടിയിലായത്. 7,0006 ഗ്രാം ഹെറോയിൻ, 1480 ഗ്രാം മെത്താംഫെറ്റാമൈനും ആണ് ഇവരിൽ നിന്നും പിടിച്ചെടുത്തത്. ട്രോളി ബാഗിനുള്ളിലും എക്‌സിക്യൂട്ടാവ് ബാഗിലും രണ്ട് ഫയൽ ഫോൾഡറുകളിലും ഒളിപ്പിച്ചാണ് ഇവ കടത്താൻ ശ്രമിച്ചത്.
ദരിദ്ര കുടുംബത്തിൽ നിന്നും വരുന്ന റോസി അർബുദ ബാധിതയാണ്. ചികിത്സ ചെലവ് വഹിക്കാമെന്ന് വാഗ്ദാനം ചെയ്ത് മയക്കുമരുന്ന് കടത്ത് സംഘം യുവതിയെ വലയിലാക്കുകയായിരുന്നു. മെഡിക്കൽ വിസയിലാണ് റോസി ഹരാരെയിൽ നിന്ന് മുംബൈ ഛത്രപതി ശിവജി മഹാരാജ് അന്താരാഷ്‌ട്ര വിമാനത്താവളത്തിലെത്തിയത്
Comments