ബെംഗളൂരു ; കർണാടകയിലെ ഹിജാബ് വിവാദത്തിനിടയിൽ അള്ളാഹു അക്ബർ മുഴക്കിയ മുസ്‌കാൻ ഖാന്റെ പേര് മാലേഗാവിലെ ഉർദു വീടിന് നൽകുമെന്ന് മേയർ താഹിറ ഷെയ്‌ഖ് . മുസ്‌കാൻ , മുസ്ലീം പെൺകുട്ടികളുടെ മുഖമായി മാറി . ഈ തീരുമാനത്തിൽ, മുസ്‌കാന്റെ സ്ഥാനത്ത് ഒരു ഹിന്ദു ആയിരുന്നെങ്കിൽ പോലും തങ്ങൾ അത് ചെയ്യുമായിരുന്നുവെന്നും താഹിറ പറഞ്ഞു.
അതേസമയം പാകിസ്താനികളും മുസ്കാനെ പിന്തുണയ്‌ക്കുന്നുണ്ട് . പാകിസ്താൻ മുൻ പ്രധാനമന്ത്രി നവാസ് ഷെരീഫിന്റെ മകൾ മറിയം നവാസും തന്റെ ട്വിറ്റർ അക്കൗണ്ടിൽ മുസ്‌കാന്റെ ചിത്രം ഷെയർ ചെയ്തിട്ടുണ്ട്. മുംബൈ ബാന്ദ്രയിൽ നിന്നുള്ള കോൺഗ്രസ് എംഎൽഎ സീഷൻ സിദ്ദിഖിയും മാണ്ഡ്യയിലെ മുസ്‌കാന്റെ വീട്ടിലെത്തി ഐഫോണും സ്മാർട്ട് വാച്ചും സമ്മാനമായി നൽകി. സീഷാൻ തന്നെയാണ് ഇക്കാര്യം സോഷ്യൽ മീഡിയയിൽ പങ്കുവെച്ചത്.
ഫെബ്രുവരി 9 ന് ജംഇയ്യത്തുൽ ഉലമ-ഇ-ഹിന്ദിന്റെ ഒരു പ്രതിനിധി സംഘവും മുസ്‌കാന്റെ വീട്ടിലെത്തി. ഇക്കൂട്ടർ മുസ്‌കാന്റെ കുടുംബത്തിന് 5 ലക്ഷം രൂപ പാരിതോഷികമായി നൽകി. സംഭവത്തിൽ, നരേന്ദ്ര മോദി വിചാര് മഞ്ച് സംസ്ഥാന സെക്രട്ടറി മഞ്ജുനാഥ് ജംഇയ്യത്തുൽ ഉലമ ഇ ഹിന്ദിനെതിരെ പരാതി നൽകിയിട്ടുണ്ട് . സംസ്ഥാനത്ത് ഹിജാബ് വിവാദത്തിന് പിന്നിൽ സംഘടനയാണെന്ന് ഫോറം പറയുന്നു. ഈ സ്ഥാപനത്തിന്റെ സാമ്പത്തിക ഇടപാടുകൾ അന്വേഷിക്കണമെന്നും പരാതിയിൽ പറയുന്നു.
Comments