ആലുവ: സംസ്ഥാനത്ത് അനുവദിച്ച 14 ജലരക്ഷക് ബോട്ടുകളില്‍ നാലെണ്ണം എറണാകുളം ജില്ലയ്‌ക്ക് ലഭിച്ചു. ഇതില്‍ രണ്ടെണ്ണം വീതം ആലുവയ്‌ക്കും പറവൂരിനും ലഭിച്ചു. പ്രളയത്തിലും പെരിയാറിലും ഈ മേഖലയില്‍ രക്ഷാപ്രവര്‍ത്തനം നടത്താന്‍ ഇവ ഉപകരിക്കും.
40 എച്ച്പിയുടെ മെര്‍ക്കുറി എന്‍ജിന്‍ ഘടിപ്പിച്ച സ്റ്റിയറിങ്ങോടുകൂടിയ ഫൈബര്‍ ബോട്ടുകളാണ് അഗ്നിരക്ഷാ സേനയ്ക്ക് ലഭിക്കുന്നത്.
ആലുവ പാലസിനു സമീപത്തെ ജെട്ടിയിലാണ് ബോട്ടുകള്‍ സൂക്ഷിക്കുക. ശിവരാത്രി ആഘോഷത്തിനു മുന്‍പ് ജലരക്ഷക് ബോട്ടുകള്‍ ലഭിച്ചത് ആലുവയ്‌ക്ക് ആശ്വാസമാണ്. മാര്‍ച്ച് ഒന്നിനാണ് ശിവരാത്രി ആഘോഷം.
ദുര്‍ഘടമേഖലയിലും നക്‌സല്‍ബാധിത പ്രദേശങ്ങളിലേക്കുമായി പൊലീസിന് അനുവദിച്ച ഗൂര്‍ഖ വാഹനങ്ങളും ജില്ലയ്‌ക്ക് ലഭിച്ചു. ഗൂര്‍ഖയ്‌ക്ക് പുറമെ ജലരക്ഷക് ലഭിച്ചതും ജില്ലയ്‌ക്ക് ആശ്വാസമാണ്.
Comments