മുംബൈ : ഭിന്നശേഷിക്കാരനെ കൃത്രിമ കാൽ ധരിക്കാൻ സഹായിച്ച് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ. മുംബൈ സന്ദർശന വേളയിലാണ് കേന്ദ്ര മന്ത്രി ശാരീരിക വൈകല്യമുള്ളാളെ സഹായിച്ചത്. അദ്ദേഹം തന്നെയാണ് ഈ ചത്രം ട്വിറ്ററിൽ പങ്കുവെച്ചതും.
മുംബൈ സന്ദർശനത്തിനിടെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് ഫിസിയോതെറാപ്പി ആന്റ് റിഹാബിലിറ്റേഷൻ സന്ദർശിക്കാൻ അവസരം ലഭിച്ചെന്ന് അദ്ദേഹം ട്വിറ്ററിൽ കുറിച്ചു. അവിടെ വെച്ച് ദിവ്യാംഗനെ കൃത്രിമ കാൽ ധരിക്കാൻ സഹായിച്ചു. തന്റെ ജീവിതത്തിലെ മറക്കാനാവാത്ത സന്ദർഭമാണിതെന്നാണ് അദ്ദേഹം പറഞ്ഞത്. ചിത്രം നിമിഷ നേരങ്ങൾ കൊണ്ടാണ് സമൂഹമാദ്ധ്യമങ്ങളിൽ വൈറലായത്.
മുംബൈയിൽ രണ്ട് ദിവസത്തെ സന്ദർശനത്തിനായാണ് കേന്ദ്ര മന്ത്രി എത്തിയത്. തുടർന്ന് അദ്ദേഹം മുംബൈയിലെ ജൻ ഔഷധി കേന്ദ്രങ്ങളിൽ മിന്നൽ സന്ദർശനം നടത്തിയിരുന്നു. ഇന്റർനാഷണൽ ഇൻസ്റ്റിറ്റ്യൂട്ട് ഫോർ പോപ്പുലേഷൻ സയൻസസിൽ സെന്റർ ഫോർ ഡീമോഗ്രഫി ഓഫ് ജെൻഡർ ആന്റ് സെന്റർ ഫോർ ഏജിംഗ് സ്റ്റഡീസും അദ്ദേഹം ഉദ്ഘാടനം ചെയ്തു. ഇന്ന് രാവിലെ നവി മുംബൈയിലെ നാഷണൽ ഇൻസ്റ്റിറ്റ്യൂട്ട് ഓഫ് പബ്ലിക് ഹെൽത്ത് ട്രെയിനിംഗ് ആന്റ് റിസേർച്ചിൽ അദ്ദേഹം വൃക്ഷ തൈകളും നട്ടിരുന്നു.
Comments