ചെന്നൈ: ഹിജാബ് വിഷയത്തില്‍ വാദം കേള്‍ക്കുന്നത് കര്‍ണാടക ഹൈക്കോടതി നാളെക്ക് മാറ്റി. ഹൈക്കോടതി വാദം കേള്‍ക്കുന്നതിനിടെ സ്ഥാപനങ്ങളുടെ അച്ചടക്കത്തിന് വിധേയമായി ഹിജാബ് ധരിക്കുന്നതില്‍ ഇന്ത്യയില്‍ യാതൊരു വിലക്കുമില്ലെന്നും ഇന്ത്യന്‍ ഭരണഘടനയുടെ ആര്‍ട്ടിക്കിള്‍ 15 അനുച്ഛേദം എല്ലാത്തരം വിവേചനത്തെയും നിരോധിക്കുന്നുവെന്നും സര്‍ക്കാര്‍ കോടതിയെ അറിയിച്ചു.
ശിരോവസ്ത്രം ധരിക്കാനുള്ള അവകാശം ആര്‍ട്ടിക്കിള്‍ 19(1)(a) വിഭാഗത്തിലാണ് ഉള്‍പ്പെടുകയെന്ന് ഹിജാബ് വിവാദത്തെ ചോദ്യം ചെയ്തു മുസ്ലീം പെണ്‍കുട്ടികല്‍ സമര്‍പ്പിച്ച ഹരജിയില്‍ വാദം കേള്‍ക്കെ കര്‍ണാടക അഡ്വക്കറ്റ് ജനറല്‍ പ്രഭുലിംഗ് നവദ്ഗി പറഞ്ഞു.
ആര്‍ട്ടിക്കിള്‍ 19(1)(എ) ഇന്ത്യന്‍ ഭരണഘടനയുടെ ആവിഷ്‌കാര സ്വാതന്ത്ര്യവുമായി ബന്ധപ്പെട്ടതാണ്.ആര്‍ട്ടിക്കിള്‍ 25 മനസ്സാക്ഷിയുടെയും സ്വതന്ത്രമായ തൊഴില്‍, ആചാരം, മതപ്രചാരണം എന്നിവയെ കുറിച്ച്പ്രതിപാദിക്കുന്നുവെന്നും അഡ്വക്കറ്റ് ജനറല്‍ കോടതിയെ ബോധിപ്പിച്ചു. അതെ സമയം ഈ ആഴ്ച തന്നെ കേസ് തീര്‍പ്പാക്കാന്‍ ആഗ്രഹിക്കുന്നതായും എല്ലാ കക്ഷികളുടെയും സഹകരണം തേടണമെന്നും ബെഞ്ച് പറഞ്ഞു.
Comments