മോസ്‌കോ: അവിശ്വസനീയമായ പ്രവചനങ്ങളിലൂടെ ലോകത്തെ അമ്പരപ്പിച്ച ആളാണ് ബൾഗേറിയക്കാരിയായ ബാബ വാംഗ. തന്റെ എൺപത്തി അഞ്ചാം വയസിൽ ലോകത്തോട് വിട പറയുമ്പോൾ വേൾഡ് ട്രേഡ് സെന്റർ ആക്രമണമുൾപ്പടെ അവർ പ്രവചിച്ചിരുന്നു.
യുക്രെയ്‌നിൽ റഷ്യൻ അധിനിവേശം അതിന്റെ ഉച്ചസ്ഥായിലെത്തിയിരിക്കുന്ന സാഹചര്യത്തിൽ വാംഗ റഷ്യൻ ഭരണാധികാരിയെക്കുറിച്ച് മുൻപ് നടത്തിയ പ്രവചനമാണിപ്പോൾ ചർച്ചയാകുന്നത്.
റഷ്യ ലോകത്തിന്റെ നാഥൻ ആകുമെന്നും യൂറോപ്പ് തരിശുഭൂമി ആകുമെന്നുമാണ് വാംഗയുടെ ഒരു പ്രവചനം. എല്ലാം ഐസ് പോലെ ഉരുകും ഒന്ന് മാത്രം മാറ്റമില്ലാതെ നിലനിൽക്കും റഷ്യയുടേയും റഷ്യൻ ഭരണാധികാരിയുടേയും. ആർക്കും റഷ്യയെ തടയാൻ സാധിക്കില്ല എന്ന് 1979 ലാണ് വാംഗെ പ്രവചിച്ചതായി കരുതപ്പെടുന്നത്.
മരണപ്പെടുന്നതിന് മുൻപ് ബ്രെക്‌സിറ്റിനെ സംബന്ധിച്ച് പ്രവചനം നടത്തിയിരുന്നു വാംഗെ. 2016 ഓടെ യൂറോപ്പ് നിലവിലെ രൂപത്തിൽ നിലനിൽക്കില്ലെന്നായിരുന്നു വാംഗെയുടെ പ്രവചനം.പ്രവചനം സത്യമാക്കും പോലെയാണ് 2016 ജൂൺ 23 ന് ബ്രിട്ടൻ യൂറോപ്യൻ യൂണിയനിൽ നിന്ന് പുറത്ത് പോയത്.
വാംഗെയുടെ പ്രവചനങ്ങൾ ഭൂരിഭാഗവും ശരിയായി വന്നതിനാൽ റഷ്യൻ പരമാധികാരിയെക്കുറിച്ച് നടത്തിയ പ്രവചനം സത്യമാകുമോ എന്ന രീതിയിലുള്ള ചർച്ചകൾ സമൂഹമാദ്ധ്യമങ്ങളിൽ പൊടി പൊടിക്കുകയാണ്.
