‘പൊള്ളുന്ന പൊന്ന്’; സ്വർണവില ഉയർന്ന് തന്നെ; പവൻ നിരക്ക് 40,000 തൊടുന്നു

തിരുവനന്തപുരം: സംസ്ഥാനത്ത് സ്വർണവില ഉയർന്നുതന്നെയെന്ന് റിപ്പോർട്ട്. ഒരു ഗ്രാം 22 കാരറ്റ് സ്വർണത്തിന് ഇന്ന് 4,940 രൂപയാണ് വില. 39,520 രൂപയാണ് ഒരു പവൻ സ്വർണത്തിന്റെ വില.

ഇന്നലെ ഒരു ഗ്രാം സ്വർണത്തിന് 100 രൂപ ഉയർന്നിരുന്നു. ഒരു പവൻ സ്വർണത്തിന് 800 രൂപയും കൂടി. 18 കാരറ്റ് സ്വർണം ഗ്രാമിന് ഇന്നലെ 80 രൂപയും ഉയർന്നിരുന്നു. ഹോൾമാർക്ക് വെള്ളിക്ക് 100 രൂപയാണ് നിരക്ക്. വെള്ളിക്ക് ഗ്രാമിന് രണ്ട് രൂപ കൂടി ഇന്നലെ 75 രൂപയായിരുന്നു.

അതിനിടെ രാജ്യത്തെ ഹോൾമാർക്കിങ് നിരക്കുകൾ വർധിപ്പിച്ചു. സ്വർണം ഒരെണ്ണത്തിൽ 35 രൂപയായിരുന്ന ഹോൾമാർക്കിങ് ചാർജ് 45 രൂപയാക്കി. മാർച്ച് നാല് മുതൽ പ്രാബല്യത്തിലുള്ള ആഭരണങ്ങൾക്കാണ് ഹോൾമാർക്കിങ് നിരക്ക് വർധിപ്പിച്ചത്. 2020 ഓഗസ്റ്റ് ഏഴിനായിരുന്നു സമീപ കാലത്ത് സ്വർണത്തിന് ഏറ്റവും ഉയർന്ന വില രേഖപ്പെടുത്തിയത്. അന്നത്തെ വില ഗ്രാമിന് 5,250 രൂപയും പവന് 42,000 രൂപയുമായിരുന്നു.