വമ്പൻ തുക സമ്മാനം ലഭിക്കുന്നവർക്ക് ധനകാര്യ മാനേജ്‌മെന്റിൽ പരിശീലനം; ലോട്ടറിയിലൂടെ ഭാഗ്യം പരീക്ഷിക്കുന്നവർക്കായി ബജറ്റിൽ കൂടുതൽ നിർദ്ദേശങ്ങൾ

തിരുവനന്തപുരം: 2022-2-23 സാമ്പത്തിക വർഷത്തെ ബജറ്റിൽ കേരള ലോട്ടറിയുമായി ബന്ധപ്പെട്ട് പുതിയ തീരുമാനങ്ങളും നിർദ്ദേശങ്ങളും. കൊറോണയെ തുടർന്ന് നിർത്തി വെച്ച ലോട്ടറികൾ പൂർണമായുംപുനസ്ഥാപിക്കുമെന്നാണ് ബജറ്റിൽ പ്രഖ്യാപിച്ചിട്ടുളളത്.

ലോട്ടറി ടിക്കറ്റിൽ നിലവിലുള്ളതിനേക്കാൾ മെച്ചപ്പെട്ട സുരക്ഷാ സംവിധാനം ഒരുക്കും.കൊറോണയ്‌ക്ക് മുമ്പുണ്ടായിരുന്ന സ്ഥിതിയിലേക്ക് ലോട്ടറികളുടെ പ്രവർത്തനങ്ങളും ഘടനയും എത്തിക്കുന്നതിന് നടപടി സ്വീകരിക്കും.

സംസ്ഥാന ലോട്ടറിയിലൂടെ വലിയ തുക സമ്മാനമായി ലഭിക്കുന്നവർക്കും ബജറ്റിൽ പ്രത്യേക നിർദ്ദേശമുണ്ട്. വലിയ തുക സമ്മാനമായി ലഭിക്കുന്നവർക്ക് തുകയുടെ വിനിയോഗം സംബന്ധിച്ച് ലോട്ടറി വകുപ്പിന്റെ നേതൃത്വത്തിൽ സാമ്പത്തിക വിദഗ്ധരുമായി ചേർന്ന് ധനകാര്യ മാനേജ്‌മെന്റിൽ പരിശീലനം നൽകും.

എഴുത്ത് ലോട്ടറി പോലുള്ള അനധികൃത ഭാഗ്യക്കുറികൾക്കെതിരെ നടപടി സ്വീകരിക്കുന്നതിന് പ്രത്യേക സെൽ രൂപീകരിക്കുമെന്നും ബജറ്റ് നിർദ്ദേശത്തിലുണ്ട്.