കൊച്ചി: ബസ് ചാർജ് വർധിപ്പിക്കണമെന്നാവശ്യപ്പെട്ട് അനിശ്ചിതകാല സമരം പ്രഖ്യാപിച്ച സ്വകാര്യ ബസുടമകൾ ഗതാഗതമന്ത്രി ആന്റണി രാജുവിന് പണിമുടക്ക് നോട്ടീസ് നല്കി. ചാർജ് ഉടൻ വർധിപ്പിച്ചിട്ടില്ലെങ്കിൽ സമരവുമായി മുന്നോട്ടു പോകുമെന്നാണ് ബസുടമകൾ വ്യക്തമാക്കിയിരിക്കുന്നത്.
ബസ് ചാർജ് വർധിപ്പിക്കാമെന്ന് ഉറപ്പ് നല്കി നാല് മാസമായിട്ടും അത് നടപ്പിലാക്കുന്നില്ലെന്ന് ആരോപിച്ചാണ് കഴിഞ്ഞദിവസം സമരം പ്രഖ്യാപിച്ചത്. മാർച്ച് 30 മുതൽ അനിശ്ചിതകാല സമരം നടത്താനാണ് ഉടമകളുടെ തീരുമാനം.
മിനിമം ചാർജ് 12 രൂപയാക്കണം, വിദ്യാർഥികളുടെ കണ്‌സഷന് നിരക്ക് കൂട്ടണം തുടങ്ങിയ ആവശ്യങ്ങളാണ് ബസ് ഉടമകൾക്കുള്ളത്. നിരക്ക് ഉയർത്തുന്ന കാര്യം ബജറ്റിലും ഉൾപ്പെടുത്തിയില്ല. കഴിഞ്ഞദിവസം ബസുടമകളുടെ ആവശ്യം ന്യായമാണെന്ന് പറഞ്ഞ ആന്റണി രാജു, പൊതുജനാഭിപ്രായം കൂടി തേടിയ ശേഷമായിരിക്കും നടപടി സ്വീകരിക്കുക എന്ന് പറഞ്ഞിരുന്നു. ഇതിന് പിന്നാലെയാണ് നോട്ടീസ് നൽകിയിരിക്കുന്നത്.
Comments