പുകവലിച്ചുവെന്നാരോപിച്ച് സുവർണ ക്ഷേത്രത്തിൽ വെച്ച് സ്ത്രീയ്‌ക്ക് ക്രൂര മർദ്ദനം; ബീഡി വലിച്ചതിന് തെളിവില്ലെന്ന് പോലീസ്

ചണ്ഡീഗഡ് : അമൃത്സറിലെ സുവർണ ക്ഷേത്രത്തിൽ വെച്ച് പുകവലിച്ചുവെന്ന് ആരോപിച്ച് സ്ത്രീയെ ക്രൂരമായി മർദ്ദിച്ചു. സിഖ് യുവാക്കൾ കൂട്ടം ചേർന്ന് നിന്ന് ഇവരുടെ മുഖത്തടിക്കുന്ന ദൃശ്യങ്ങളാണ് സമൂഹമാദ്ധ്യമങ്ങളിൽ പ്രചരിക്കുന്നത്. കുട്ടികൾക്കൊപ്പം എത്തിയ വനിതയ്‌ക്കാണ് മർദ്ദനമേറ്റത്.

ബീഹാറി സ്വദേശിയായ വനിത സുവർണ ക്ഷേത്രത്തിനുള്ളിൽ വെച്ച് പുകവലിച്ചു എന്നാണ് ആരോപണം. കുറ്റം സമ്മതിക്കാൻ നിർബന്ധിക്കുന്നതായും വീഡിയോയിൽ കാണാം. ശിരോമണി പ്രഭാന്തക് കമ്മിറ്റി പ്രവർത്തകരാണ് തീർത്ഥാടന കേന്ദ്രത്തിൽ വെച്ച് യുവതിയെ മർദ്ദിച്ചത്. മകൾ കേണപേക്ഷിച്ചിട്ടും യുവാക്കൾ ഇവരെ വിട്ടില്ല.

എന്നാൽ ക്ഷേത്രത്തിലെ നിയമങ്ങൾ അറിയില്ലായിരുന്നു എന്നും താൻ ബീഡി വലിച്ചില്ലെന്നുമാണ് യുവതി പറഞ്ഞത്. പുകയില പുറത്തെടുക്കുക മാത്രമാണ് ചെയ്തത് എന്നും ഇവർ വെളിപ്പെടുത്തി.

ये क्या हैं? एक औरत पर सरे आम हाथ उठा रहे हैं, बहरमी से मार रहे हैं, मेरे हाथ काप रहे हैं ये लिखते हुए, मेरी माँ मुझे याद आ रही हैं, @AmitShah @narendramodi यदि इस माँ को इंसाफ़ नहीं मिला तो हम कहीं मुँह दिखाने के क़ाबिल नहीं रहेंगे, कृपा कर इंसाफ़ दे। pic.twitter.com/qK1YqYZFI1

— Singh Varun (@singhvarun) March 17, 2022

ഇതൊന്നും കണക്കിലെടുക്കാതെ ഗുരുദ്വാരയിലെ ആളുകൾ ഇവരെ പോലീസ് ഏൽപ്പിച്ചു. എന്നാൽ ഈ സ്ത്രീ ഗുരുദ്വാരയിൽ നിന്ന് പുകവലിച്ചുവെന്ന് കണ്ടെത്താൻ സാധിച്ചിട്ടില്ല എന്ന് പോലീസ് വ്യക്തമാക്കി.