പോർച്ചുഗലിന് മികച്ച ജയം; തുർക്കിയെ 3-1ന് തകർത്തു

ലിസ്ബൺ: ലോകകപ്പ് യോഗ്യതാ മത്സരത്തിൽ പോർച്ചുഗലിന് ജയം. തുർക്കിയെ ഒന്നിനെ തിരെ മൂന്ന് ഗോളുകൾക്കാണ് ക്രിസ്റ്റിയാനോ റൊണാൾഡോയും കൂട്ടരും തകർത്തത്. ഗ്രൂപ്പ് സിയിലാണ് പോർച്ചുഗലും തുർക്കിയും കളിച്ചത്.

കളിയുടെ 15-ാം മിനിറ്റിൽ ഒട്ടാവിയോ ആണ് പറങ്കിപ്പടയ്‌ക്ക് വേണ്ടി ആദ്യ ഗോൾ നേടിയത്. ആദ്യപകുതി അവസാനിക്കും മുന്നേ തുർക്കിയുടെ വലയിൽ രണ്ടാം ഗോളും വീണു. ഡിയോഗോ ജോട്ടയാണ് ഗോൾ നേടിയത്. രണ്ടാം പകുതി തുടങ്ങി 20മിനിറ്റിനകം തുർക്കി ഗോൾ നേടി. ബുരാക് ഇൽമാസാണ് 66-ാം മിനിറ്റിൽ പോർച്ചുഗൽ ലീഡ് 1-2 ആക്കി കുറച്ചത്. എന്നാൽ ജയം ആധികാരികമാക്കി മത്തേയൂസ് നനെസ് കളിയുടെ അധികസമയത്ത് 94-ാം മിനിറ്റിൽ മൂന്നാം ഗോളും നേടി.

വടക്കൻ മാസിഡോണിയയാണ് പോർച്ചുഗലിന്റെ അടുത്ത എതിരാളി. മുൻ ലോകചാമ്പ്യ ന്മാരെ ഏക ഗോളിന് തകർത്താണ് മാസിഡോണിയ അട്ടിമറിയോടെ മുന്നേറിയത്.