വാഷിംഗ്ടൺ; ഓസ്കാർ പുരസ്കാര ദാന ചടങ്ങിൽ വെച്ച് ഭാര്യയായ പിങ്കറ്റ് സ്മിത്തിനെ കളിയാക്കിയ അവതാരകൻ ക്രിസ് റോക്കിനെ വിൽ സ്മിത്ത് കരണത്തടിച്ച സംഭവം വലിയ ചർച്ചയ്ക്ക് വഴിയൊരുക്കിയിരുന്നു. തലമുടി കളഞ്ഞു പോകുന്ന രോഗമായ അലോപ്പേഷ്യ നേരിടുന്ന പിങ്കറ്റിനെ അവഹേളിക്കുന്ന രീതിയിൽ കമന്റ് ചെയ്തതും അതിനെ വിൽ സ്മിത്ത് നേരിട്ടതും പിന്നീട് വിൽ സ്മിത്ത് അതേകുറിച്ച് മാപ്പ് പറയുകയും ചെയ്തത് ആളുകൾ ഏറെ പ്രധാന്യത്തോടെയാണ് നോക്കി കണ്ടത്.
94ാമത് ഓസ്കാർ പുരസ്ക്കാര വേദിയിൽ നിന്ന് പരസ്യമായി തല്ലു കിട്ടിയങ്കിലെന്താ ക്രിസ് റോക്ക് എന്ന് ക്രിസ്റ്റഫർ ജൂലിയസ് റോക്കിന്റെ ഭാഗ്യം ഇതോട് കൂടി തെളിഞ്ഞുവെന്നാണ് ആളുകൾ പറയുന്നത് ക്രിസ് റോക്കിന്റെ വരാനിരിക്കുന്ന സ്റ്റാൻഡ് അപ്പ് ഷോയുടെ ടിക്കറ്റ് വിൽപ്പന കുതിച്ചുയരുകയാണ്.
പുറത്തു വരുന്ന റിപ്പോർട്ടുകൾ പ്രകാരം ഓൺലൈൻ ടിക്കറ്റ് വിൽപ്പന ശാലയായ ടിക്കറ്റ് പിക്കിൽ ഈഗോ ഡെത്ത് വേൾഡ് ടൂർന്’ കഴിഞ്ഞ മാസം വിറ്റതിലും കൂടുതൽ ടിക്കറ്റുകൾ ഒറ്റരാത്രികൊണ്ട് വിറ്റഴിഞ്ഞുവെന്നാണ് വിവരം. ടിക്കറ്റിന്റെ എണ്ണമല്ല ഇവിടെ വിഷയം, വിലയിൽ ഉണ്ടായ കുതിച്ചുചാട്ടമാണ് ആളുകളുടെ കണ്ണ് തള്ളിപ്പിച്ചത്. മാർച്ച് 18 വരെ ഒരു ടിക്കറ്റിന് 46 യുഎസ് ഡോളർ ഉണ്ടായിരുന്ന ഇത് 341 ഡോളറായാണ് ഉയർന്നത്.
അമേരിക്കൻ സ്റ്റാൻഡ്-അപ്പ് കൊമേഡിയൻ, നടൻ, എഴുത്തുകാരൻ, നിർമ്മാതാവ്, ചലച്ചിത്ര സംവിധായകൻ തുടങ്ങിയ നിലകളിൽ ശ്രദ്ധേയനാണ് ക്രിസ്റ്റഫർ ജൂലിയസ് റോക്ക് . ഒരു സ്റ്റാൻഡ്-അപ്പ് കൊമേഡിയനായി പ്രവർത്തിക്കുകയും ചലച്ചിത്രങ്ങളിൽ പ്രത്യക്ഷപ്പെടുകയും ചെയ്ത ശേഷം, 1990 കളുടെ തുടക്കത്തിൽ ‘സാറ്റർഡേ നൈറ്റ് ലൈവിന്റെ’ ഭാഗമായി അദ്ദേഹം ശ്രദ്ധനേടി.
Comments