ടോക്കിയോ: ഇന്ത്യയുടെ കൊറോണ പ്രതിരോധ വാക്‌സിനായ കൊവാക്‌സിൻ ജപ്പാനും അംഗീകരിച്ചു. ഏപ്രിൽ 10 മുതലാണ് അംഗീകാരം പ്രാബല്യത്തിൽ വരികയെന്ന് ജപ്പാനിലെ ഇന്ത്യൻ എംബസി വ്യക്തമാക്കി. ഇന്ത്യയിൽ നിന്ന് ജപ്പാനിലേക്ക് യാത്ര ചെയ്യുന്ന കൊവാക്‌സിന്റെ രണ്ട് ഡോസുകളും സ്വീകരിച്ച യാത്രക്കാർക്ക് മറ്റ് തടസങ്ങൾ ഉണ്ടാകില്ലെന്നും എംബസി ട്വിറ്ററിൽ അറിയിച്ചു.
ഭാരത് ബയോടെക് നിർമിക്കുന്ന കൊറോണ പ്രതിരോധ വാക്‌സിനാണ് കൊവാക്‌സിൻ. ഇതിനൊപ്പം ആസ്ട്രാസെനേകയുടെ വാക്‌സേരിയ, ഫൈസറിന്റെ കൊമിർനാറ്റി, മൊഡേണ, ജാൻസീൻ വാക്‌സിനുകളും ജപ്പാൻ അംഗീകരിച്ചിട്ടുണ്ട്.
നവംബർ 8 മുതൽ യുഎസും കൊവാക്‌സിൻ അംഗീകരിച്ചിരുന്നു. ലോകാരോഗ്യസംഘടന കൊവാക്‌സിൻ അംഗീകരിച്ചതിന് പിന്നാലെയായിരുന്നു നടപടി. കൊവാക്‌സിൻ കൊറോണ വൈറസിനെ ഫലപ്രദമായി പ്രതിരോധിക്കുന്നുണ്ടെന്നും ഡബ്ല്യുഎച്ച്ഒയുടെ നിലവാരം പാലിക്കുന്നുണ്ടെന്നും സാങ്കേതിക സമിതി വിലയിരുത്തിയതിനെ തുടർന്നായിരുന്നു ലോകാരോഗ്യ സംഘടന വാക്‌സിൻ അംഗീകരിച്ചത്.
Comments