കൊച്ചി: ബലാത്സംഗക്കേസിലെ പ്രതിയായ വിജയ് ബാബുവിനെ പിടികൂടാൻ ഇന്റർപോളിന്റെ സഹായം തേടി പോലീസ്. രണ്ടോ മൂന്നോ ദിവസത്തിനകം പിടികൂടുമെന്ന് കൊച്ചി സിറ്റി പോലീസ് കമ്മീഷണർ വ്യക്തമാക്കി. ലുക്കൗട്ട് നോട്ടീസ് പുറത്തിറക്കിയിരിക്കുന്നതും ഇന്റർപോളിന്റെ സഹായത്തോടെയാണ്. വളരെ ഗൗരവമുള്ള കേസാണ് ഇതെന്ന് പോലീസ് ആവർത്തിച്ച് പറയുന്നു. കേസിന് പിന്നാലെ വിജയ് ബാബു വിദേശത്തേക്ക് കടന്നു. അതുകൊണ്ട് തന്നെ സാങ്കേതിക ആനുകൂല്യങ്ങൾ ഒന്നും ലഭിക്കില്ല.
അതുകൊണ്ട് തന്നെ വിജയ് ബാബുവിനെ എത്രയും വേഗം നാട്ടിലെത്തിച്ച് നിയമനടപടികളിലേക്ക് കടക്കാനാണ് പോലീസ് ശ്രമിക്കുന്നത്. ഹാജരാകാൻ ഈ മാസം 19 വരെ വിജയ് ബാബു സമയം ചോദിച്ചിരുന്നു. എന്നാൽ ഇത്രയും സമയം അനുവദിക്കാനാകില്ലെന്ന് കമ്മീഷണർ നേരത്തെ വ്യക്തമാക്കിയിരുന്നു.
Comments