ഇടുക്കി: വട്ടവടയിൽ ഹലാൽ ഇറച്ചി കിട്ടാത്തതിന്റെ പേരിൽ സംഘർഷാന്തരീക്ഷം സൃഷ്ടിക്കാൻ വിനോദസഞ്ചാരികളുടെ ശ്രമം. തിരുവനന്തപുരം സ്വദേശി ഷാഹു അമ്പലത്തും സുഹൃത്തുക്കളുമാണ് കോഴിക്കടയിൽ എത്തി ഹലാൽ ഇറച്ചി ആവശ്യപ്പെട്ടത്. കഴിഞ്ഞ ഞായറാഴ്ചയായിരുന്നു സംഭവം.
കോഴിക്കടയിൽ നിന്നും ഹലാൽ ഇറച്ചി കിട്ടിയില്ലെന്ന് ആരോപിച്ച് ഷാഹു അമ്പലത്ത് ഫേസ്ബുക്കിൽ പോസ്റ്റ് ഇട്ടിരുന്നു. ഇതിന് പിന്നാലെയാണ് സംഭവത്തിന്റെ കൂടുതൽ വിവരങ്ങൾ പുറത്തുവന്നത്. സംഭവത്തിൽ ഇവർക്കെതിരെ സമൂഹമാദ്ധ്യമങ്ങളിൽ വ്യാപക പ്രതിഷേധമാണ് ഉയരുന്നത്.
സിപിഎം അനുകൂലിയായ വ്യക്തി നടത്തുന്ന കോഴിക്കടയിൽ ആണ് ഷാഹുവും സുഹൃത്തുക്കളും എത്തിയത്. കട ഹിന്ദുവിന്റേതാണെന്ന് മനസ്സിലായതോടെ കോഴിയെ തങ്ങൾ മുറിക്കാമെന്ന് ഇവർ പറഞ്ഞു. എന്നാൽ തങ്ങളുടെ കടയിൽ നിന്നും ഹലാൽ ഇറച്ചി നൽകില്ലെന്നും, ഹലാലായി കോഴിയെ മുറിക്കാൻ നൽകില്ലെന്നും കടയുടമ അറിയിച്ചു. ഇതോടെ ഇവർ കോഴിയെ വേണ്ടെന്ന് പറഞ്ഞ് തിരികെ പോകുകയായിരു ന്നു. ഇതിന് പിന്നാലെയാണ് ഷാഹു അമ്പലത്ത് ഫേസ്ബുക്കിൽ പോസ്റ്റിട്ടത്.
Comments