ന്യൂഡൽഹി : ബാങ്കോക്കിൽ നടന്ന തോമസ് കപ്പ് ബാഡ്മിന്റണിൽ കിരീടം നേടിയ ഇന്ത്യൻ ടീമിനെ പ്രശംസിച്ച് പ്രധാനമന്ത്രി നരേന്ദ്രമോദി. ഇന്ത്യൻ ടീം ചരിത്രമാണ് രചിച്ചതെന്ന് പ്രധാനമന്ത്രി പറഞ്ഞു. ട്വിറ്ററിലൂടെയായിരുന്നു ഇന്ത്യൻ ബാഡ്മിന്റൺ താരങ്ങളെ പ്രശംസിച്ച് അദ്ദേഹം രംഗത്തുവന്നത്.
ഇന്ത്യൻ ബാഡ്മിന്റൺ താരങ്ങൾ ചരിത്രം രചിച്ചിരിക്കുന്നു. തോമസ് കപ്പിലെ ജയം ഇന്ത്യയെ മുഴുവൻ സന്തോഷിപ്പിച്ചു. ഇന്ത്യൻ ടീമിന് അഭിനന്ദനങ്ങൾ. ഭാവിയിൽ കൂടുതൽ നേട്ടങ്ങൾ സ്വന്തമാക്കാൻ ഇന്ത്യൻ ടീമിനെ ആശംസിക്കുന്നു. ഭാവി കായിക താരങ്ങൾക്ക് ഇന്ത്യയുടെ ഈ വിജയം പ്രചോദനമാകട്ടെയെന്നും പ്രധാനമന്ത്രി ട്വീറ്റ് ചെയ്തു.
ഫൈനലിൽ ഇന്തോനേഷ്യയെ തോൽപിച്ചാണ് ഇന്ത്യ ചരിത്ര നേട്ടം സ്വന്തമാക്കിയത്. 3-0 നായിരുന്നു ഇന്തോനേഷ്യയെ ഇന്ത്യൻ താരങ്ങൾ പരാജയപ്പെടുത്തിയത്. ഇതോടെ തോമസ് കപ്പ് നേടുന്ന ആറാമത്തെ രാജ്യമായിയിരിക്കുകയാണ് ഇന്ത്യ.
Comments