മനുഷ്യൻ എത്രയൊക്കെ പുരോഗമിച്ചുവെന്ന് പറഞ്ഞാലും നമുക്ക് എത്തിപ്പെടാനാവാത്ത കുറേയധികം സ്ഥലങ്ങൾ ഇന്നും ലോകത്ത് അവശേഷിക്കുന്നുണ്ട്. ആർട്ടിക് ദ്വീപ് സമൂഹത്തിലെ വിക്ടോറിയ ദ്വീപിൽ സ്ഥിതി ചെയ്യുന്ന ഒരു ദ്വീപിലെ തടാകത്തിനുള്ളിലുള്ള ഒരു ചെറു ദ്വീപിനെക്കുറിച്ചാണ് പറഞ്ഞുവരുന്നത്. ഈ ദ്വീപിൽ മനുഷ്യന് ഇന്നോളം എത്തിപ്പെടാനായിട്ടില്ല എന്നാണ് റിപ്പോർട്ടുകൾ വ്യക്തമാക്കുന്നത്.
തടാകത്തിന് നടുവിലുള്ള ഈ ദ്വീപിലേക്ക് എത്തിപ്പെടാൻ മാർഗങ്ങളില്ല എന്നതാണ് ഈ ദ്വീപിനെ ഇന്നും മനുഷ്യനിൽ നിന്നും മാറ്റി നിർത്തുന്നത്. എന്നാൽ ഒരു ദ്വീപിനുള്ളിൽ തന്നെ സ്ഥിതി ചെയ്യുന്ന ഏറ്റവും വലിയ ദ്വീപ് എന്ന പദവി പേരില്ലാത്ത ഈ ചെറുദ്വീപ് സ്വന്തമാക്കി കഴിഞ്ഞു.
വിക്ടോറിയ ദ്വീപിന്റെ തെക്കൻ തീരത്തുനിന്ന് 75 മൈലുകൾ അകലെയാണ് ചെറു തടാകവും അതിന് നടുവിൽ ദ്വീപും സ്ഥിതി ചെയ്യുന്നത് എന്നാണ് ലഭിക്കുന്ന വിവരം. ദ്വീപുകളെ പറ്റി പ്രതിപാദിക്കുന്ന വേൾഡ് ഐലൻഡ് ഇൻഫർമേഷൻ എന്ന ബ്ലോഗിൽ 2007 ൽ തന്നെ ചെറുദ്വീപ് ഇടംനേടിയിരുന്നു. വിക്ടോറിയ ദ്വീപിനുള്ളിലെ തടാകത്തിൽ സ്ഥിതി ചെയ്യുന്ന ദ്വീപിനുള്ളിലെ തടാകത്തിലുള്ള ചെറുദ്വീപ്, ദ്വീപുകൾക്കുള്ളിലെ ദ്വീപിൽ തന്നെ ഏറ്റവും വലുതാണെന്ന് ഗിന്നസ് ലോക റെക്കോർഡ് സാക്ഷ്യപ്പെടുത്തുന്നുണ്ട്.
Comments