അമൃത്സർ: തെരുവുനായ്ക്കളിൽ നിന്ന് രക്ഷപ്പെടാൻ ഓടുന്നതിനിടെ കുഴൽക്കിണറിൽ വീണ് ആറുവയസുകാരൻ. പഞ്ചാബിലെ ഹോഷിയാർപൂരിലുള്ള ഗദ്രിവാല ഗ്രാമത്തിലാണ് അപകടം. 300 അടി താഴ്ചയുള്ള കുഴൽക്കിണറിലേക്ക് വീണ കുട്ടിയെ രക്ഷപ്പെടുത്താനുള്ള ശ്രമങ്ങൾ പുരോമിക്കുകയാണ്.
സൈന്യത്തിന്റെ സഹകരണത്തോടെയാണ് രക്ഷാപ്രവർത്തനം നടക്കുന്നത്. ജെസിബി ഉപയോഗിച്ച് കുഴൽക്കിണറിന് സമാന്തരമായി ടണൽ നിർമിച്ച് കുട്ടിയെ പുറത്തെടുക്കാനാണ് ശ്രമം. നിലവിൽ കുഴൽക്കിണറിന്റെ 200 അടി താഴ്ചയിലാണ് ആറ് വയസുകാരൻ കുടുങ്ങിക്കിടക്കുന്നത്.
രാവിലെ ഒമ്പത് മണിയോടെയായിരുന്നു അപകടമുണ്ടായത്. ഉടൻ തന്നെ രക്ഷാപ്രവർത്തകർ സംഭവസ്ഥലത്തെത്തിയിരുന്നു. കുട്ടിയുടെ ആരോഗ്യനില വഷളാകാതിരിക്കാൻ കുഴൽക്കിണറിനുള്ളിലേക്ക് ഓക്‌സിജൻ എത്തിക്കുന്നത് ഉൾപ്പെടെയുള്ള നടപടികൾ സ്വീകരിച്ചിട്ടുണ്ട്. ഹോഷിയാർപൂർ ജില്ലാ ആസ്ഥാനത്ത് നിന്നും 25 കിലോ മീറ്റർ അകലെയാണ് സംഭവം.
Comments