രാജ്യത്ത് അനധികൃമായി താമസിച്ച 26 റോഹിങ്ക്യൻ കുടിയേറ്റക്കാരെ പിടികൂടി

ഗുവാഹത്തി : രാജ്യത്ത് അനധികൃതമായി താമസിച്ച 26 പേരെ അസമിൽ പിടികൂടി. 12 കുട്ടികൾ ഉൾപ്പെടെയുള്ളവരെയാണ് അസമിലെ ചാച്ചർ ജില്ലയിലെ സിൽച്ചാറിൽ നിന്ന് പോലീസ് പിടികൂടിയത്. ഒരു രേഖകളുമില്ലാതെ യാത്ര ചെയ്ത ഇവരെ പോലീസ് തടഞ്ഞുനിർത്തി ചോദ്യം ചെയ്യുകയായിരുന്നു.

ശനിയാഴ്ച രാത്രിയാണ് സംഭവം. ഗുവാഹത്തിയിലെ കാമാഖ്യ റെയിൽവേ സ്റ്റേഷനിൽ എത്തിയ റോഹിങ്ക്യൻ കുടിയേറ്റക്കാർ റോഡ് മാർഗം സിൽച്ചാറിലേക്ക് യാത്ര തിരിക്കുകയായിരുന്നുവെന്ന് കച്ചാർ ജില്ലയിലെ പോലീസ് സൂപ്രണ്ട് പറഞ്ഞു. ജമ്മുവിൽ നിന്നാണ് ഇവർ വന്നത്. 12 കുട്ടികളും ഇവരോടൊപ്പം ഉണ്ടായിരുന്നു. റോഹിങ്ക്യൻ കുടിയേറ്റക്കാരെ ഇപ്പോൾ ചോദ്യം ചെയ്തുവരികയാണെന്നും സംഭവത്തിൽ വിശദമായ അന്വേഷണം നടത്തുമെന്നും പോലീസ് അറിയിച്ചു.