കൊച്ചി: തൃക്കാക്കരമണ്ഡലത്തിൽ വോട്ടെണ്ണൽ പുരോഗമിക്കുമ്പോൾ കെവി തോമസിനെതിരെ മുദ്രാവാക്യം വിളിച്ച് കോൺഗ്രസ് പ്രവർത്തകർ. പ്രൊ.കെവി തോമസ് നിന്നെ പിന്നെ കണ്ടോളാം എന്നാണ് പ്രകടനത്തിലെ പ്രധാനമുദ്രാവാക്യം.
കെവി തോമസ് ഇടത് ചേരിയിലേക്ക് പോയത് കോൺഗ്രസ് പ്രവർത്തകർക്കിടയിൽ വലിയ അമർഷത്തിന് കാരണമായിരുന്നു. പ്രചരണത്തിലുൾപ്പടെ സിപിഎമ്മിനൊപ്പം കെവി തോമസ് ചേർന്നത് കോൺഗ്രസ് പ്രവർത്തകർക്കിടയിൽ അവമതിപ്പിന് കാരണമായി.
അതേസമയം തൃക്കാക്കര തിരഞ്ഞെടുപ്പിന്റെ വോട്ടെണ്ണൽ മൂന്ന് റൗണ്ട് പൂർത്തിയാക്കിയപ്പോൾ ഉമാ തോമസിന്റെ ലീഡ് ആറായിരത്തിൽ എത്തി. 2021 നിയമസഭാ തെരഞ്ഞെടുപ്പിൽ ഇതേ സമയം പിടി തോമസ് നേടിയ ലീഡിനേക്കാൾ ഇരട്ടി വോട്ടുകൾ പിടിച്ചാണ് തൃക്കാക്കരയിൽ ഉമാ തോമസ് മുന്നിട്ട് നിൽക്കുന്നത്.
Comments