ഗുജറാത്ത്: സ്ത്രീശാക്തീകരണം അത്യധികം പ്രധാനപ്പെട്ടതാണെന്നും രാജ്യത്തിന്റെ വികസനത്തിന് അത് അത്യന്താപേക്ഷിതമാണെന്നും പ്രധാനമന്ത്രി നരേന്ദ്രമോദി. ഗുജറാത്തിലെ വഡോദരയിൽ നടന്ന പൊതുറാലിയിൽ ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
രാജ്യത്തെമ്പാടുമുള്ള സ്ത്രീകളെ ശാക്തീകരിക്കുന്നതിന് വേണ്ടിയുള്ള പ്രയത്‌നത്തിലാണ് കഴിഞ്ഞ എട്ട് വർഷമായി കേന്ദ്രസർക്കാർ. സ്ത്രീകൾക്ക് ഏർപ്പെടുത്തിയ എല്ലാവിധ നിയന്ത്രണങ്ങളും എടുത്തുമാറ്റി. എല്ലാവാതിലുകളും അവർക്ക് വേണ്ടി ഇപ്പോൾ തുറന്നു കിടക്കുകയാണെന്നും ഏത് തൊഴിൽമേഖലയും തിരഞ്ഞെടുക്കാൻ സ്ത്രീകൾക്ക് ഇന്ന് അവസരം ലഭിക്കുന്നുണ്ടെന്നും പ്രധാനമന്ത്രി പറഞ്ഞു.
വഡോദരയിൽ 21,000 കോടി രൂപയുടെ വികസന പദ്ധതികൾ പ്രധാനമന്ത്രി ഉദ്ഘാടനം ചെയ്തു. അതിന് മുന്നോടിയായി പാവഗഢ് കുന്നിൽ നവീകരിച്ച ശ്രീ കാളിക മാതാ ക്ഷേത്രത്തിൽ പ്രധാനമന്ത്രി സന്ദർശനം നടത്തുകയും പതാക ഉയർത്തുകയും ചെയ്തു. ക്ഷേത്ര സമുച്ചയത്തിന്റെ നവീകരണത്തിനായി 125 കോടി രൂപ വകയിരുത്തിയിരുന്നു. ഇതിൽ 12 കോടി ചെലവഴിച്ചാണ് നിലവിലെ ക്ഷേത്ര നവീകരണം പൂർത്തിയാക്കിയിരിക്കുന്നത്.
Comments