ന്യൂഡല്‍ഹി: സുരക്ഷിതവും ലളിതവുമായ വിമാന യാത്രകള്‍ക്കായി ഇ പാസ്പോര്ട്ട് തയ്യാറാക്കാനൊരുങ്ങി കേന്ദ്ര സര്‍ക്കാര്‍. പാസ്പോര്ട്ട് സേവാ ദിവസത്തിലാണ് പ്രഖ്യാപനം. വ്യക്തികളുടെ വിവരങ്ങള്‍ മോഷ്ടിക്കുന്നത് തടയാന്‍ ഇലക്ട്രോണിക് പാസ്‌പോര്‍ട്ടിന് കഴിയുമെന്ന് വിദേശകാര്യമന്ത്രി എസ്. ജയശങ്കര്‍ വ്യക്തമാക്കി.
പാസ്പോര്ട്ട് സേവാ ദിവസ് ആയി ആചരിക്കുന്ന ജൂണ്‍ 24 ന് തന്നെ പൗരന്മാര്‍ക്കു വേണ്ടി ഇങ്ങനെ ഒരു സേവനം സൃഷ്ടിക്കുമെന്ന് വാഗ്ദാനം നല്‍കുന്നതില്‍ സന്തോഷവാനാണെന്ന് അദ്ദേഹം പറഞ്ഞു. ഇന്ത്യയിലെയും വിദേശത്തെയും പാസ്പോര്ട്ട് വിതരണ അതോറിറ്റികള്‍ പരിപാടിയില്‍ പങ്കെടുത്തു.
ജനങ്ങള്‍ക്കിടയില്‍ ഡിജിറ്റല്‍ ഇക്കോസിസ്റ്റം ഉറപ്പാക്കാനും പൗരന്മാര്‍ക്ക് മെച്ചപ്പെട്ട പാസ്പോര്ട്ട് സേവനങ്ങള്‍ നല്‍കാനും പാസ്പോര്ട്ട് സേവാ പ്രോഗ്രാമിന്റെ (പിഎസ്പി)മെച്ചപ്പെടുത്തിയതും നവീകരിച്ചതുമായ പിഎസ്പി വി2.0 പതിപ്പ് ആരംഭിക്കുമെന്ന് പ്രഖ്യാപിച്ചു. ആര്‍ട്ടിഫിഷ്യല്‍ ഇന്റലിജന്‍സ്, ചാറ്റ്-ബോട്ട് തുടങ്ങിയവ ഉപയോഗപ്പെടുത്തുമെന്നും വ്യക്തമാക്കി. പേപ്പര്‍രഹിതമായി വിവരങ്ങള്‍ സൂക്ഷിക്കുന്ന ഡിജിലോക്കര്‍ സംവിധാനം ഇ- പാസ്‌പോര്‍ട്ടുമായി ബന്ധിപ്പിക്കും.
Comments