‘അഖിലേന്ത്യയും, മരുമകനും ഉൾപ്പെടെ ഇപ്പോഴും മുഷ്ടി ചുരുട്ടി വിളിക്കുകയാണ് ‘ബ…ർഗ്ഗീയത… തുലയട്ടെ’: എസ് ഡി പി ഐ ബാന്ധവത്തിൽ സിപിഎമ്മിനെ പരിഹസിച്ച് യുവമോർച്ച സംസ്ഥാന അദ്ധ്യക്ഷൻ

തിരുവനന്തപുരം: എസ് ഡി പി ഐ ബാന്ധവത്തിൽ സിപിഎമ്മിനെ പരിഹസിച്ച് യുവമോർച്ച സംസ്ഥാന അദ്ധ്യക്ഷൻ സി ആർ പ്രഫുൽ കൃഷ്ണൻ. രാവിലെ ഡി വൈ എഫ് ഐ സഖാവായി ചെങ്കൊടി പിടിക്കുന്നവന് രാത്രി ഒറ്റ പക്ഷമേയുള്ളൂ, അത് ജിഹാദിന്റെ പക്ഷമാണെന്ന് പ്രഫുൽ കൃഷ്ണൻ വ്യക്തമാക്കുന്നു. ഫ്ലക്സ് കീറി എന്ന് ആരോപിച്ച് ബാലുശ്ശേരിയിൽ സിപിഎം പ്രവർത്തകൻ ജിഷ്ണുവിനെ മർദ്ദിച്ച കൂട്ടത്തിൽ ഡി വൈ എഫ് ഐ പ്രവർത്തകൻ നജാഫ് ഹാരിസും അറസ്റ്റിലായ പശ്ചാത്തലത്തിലായിരുന്നു ഫേസ്ബുക്ക് പോസ്റ്റിലൂടെയുള്ള പ്രഫുൽ കൃഷ്ണന്റെ പ്രതികരണം.

ഫേസ്ബുക്ക് പോസ്റ്റിന്റെ പൂർണ്ണ രൂപം: ഡിഫിക്കാരുടെ ഇരട്ട മുഖം പുറത്ത് വരുന്നു.ഇത് തന്നെയാണ് ഒരു പാട് നാളായി ഞങ്ങൾ പറയുന്നതും.. രാവിലെ DYFl സഖാവായി ചെങ്കൊടി പിടിക്കുന്നവന് രാത്രി ഒറ്റ പക്ഷമേയുള്ളൂ അത് ജിഹാദിന്റെ പക്ഷമാണ്.. ഒറ്റക്കൊടിയേ ഉള്ളൂ അത് PFlയുടെ കൊടിയാണ്.. ഒറ്റമുദ്രാവാക്യമേയുള്ളൂ അത് ‘ബോലോ തക്ബീറാണ് ‘.. പത്തനംതിട്ട നഗരസഭയിലും, കോട്ടാങ്ങലിലും എല്ലാം SDPlയെ ചേർത്ത് ആശ്ലേഷിക്കുന്ന CPM ന് എന്ത് മറുപടിയുണ്ട്?…ശക്തമായി പ്രതിഷേധം രേഖപ്പെടുത്തുമെന്ന്‌ പറയുന്ന ഡിഫി നേതാക്കളുടെ ആത്മാർത്ഥത ചോദ്യം ചെയ്യപ്പെടുകയാണ്.. അഖിലേന്ത്യയും, മരുമകനും ഉൾപ്പെടെ ഇപ്പോഴും മുഷ്ടി ചുരുട്ടി വിളിക്കുകയാണ് ‘ബ…ർഗ്ഗീയത… തുലയട്ടെ’…

ബാലുശ്ശേരിയിൽ ഫ്‌ളക്‌സ് ബോർഡ് നശിപ്പിച്ചെന്ന് ആരോപിച്ച് ഡിവൈഎഫ്‌ഐ പ്രവർത്തകനായ ജിഷ്ണുവിനെ തല്ലിയ സംഭവത്തിൽ ഡിവൈഎഫ്‌ഐ പ്രവർത്തകൻ ഉൾപ്പെടെ ഉള്ളവർ അറസ്റ്റിലായിരുന്നു. ഡിവൈഎഫ്‌ഐ പ്രവർത്തകൻ നജാഫ് ഫാരിസ്, സിപിഎം അനുഭാവി ഷാലിദ്, ലീഗ് പ്രവർത്തകരായ മുഹമ്മദ് സാലി, റിയാസ്, വെൽഫെയർ പാർട്ടി പ്രവർത്തകൻ മുഹമ്മദ് ഇജാസ് എന്നിവരാണ് അറസ്റ്റിലായത്. ജിഷ്ണുവിനെ മർദ്ദിച്ച സംഭവത്തിൽ എസ് ഡി പി ഐ പ്രവർത്തകരും പ്രതികളാണ്.