ന്യൂഡൽഹി: ഡൽഹിയിൽ നിന്നും ദുബായിലേക്ക് പോയ സ്പൈസ് ജെറ്റ് വിമാനം കറാച്ചിയിൽ അടിയന്തിരമായി ഇറക്കി. ഇന്റികേറ്റർ ലൈറ്റ് തകരാർ കാരണമാണ് വിമാനം ഇറക്കിയതെന്ന് വിമാന കമ്പനി അധികൃതർ വ്യക്തമാക്കി.സാധാരണ ലാൻഡിങ് തന്നെയെന്ന് വിമാന കമ്പനി കൂട്ടിച്ചേർത്തു.
ബോയിംഗ് 737 മാക്സ് വിമാനത്തിന്റെ എഞ്ചിന് സാങ്കേതിക തകരാർ സംഭവിച്ചെന്നും വിമാനത്തിന്റെ ഇടത് ടാങ്കിൽ നിന്ന് അസാധാരണമായ ഇന്ധനത്തിന്റെ അളവ് കുറയാൻ തുടങ്ങിയത് ശ്രദ്ധയിൽപ്പെട്ടതിനാലാണ് അടിയന്തിര ലാൻഡിങ് നടത്തിയതെന്ന് വിവരങ്ങളുണ്ട്. യാത്രക്കാരെല്ലാം സുരക്ഷിതരാണ്.
കഴിഞ്ഞ 17 ദിവസത്തിനുള്ളിൽ, സ്പൈസ് ജെറ്റ് വിമാനം ആറാമത്തെ തവണയാണ് അടിയന്തര ലാൻഡിങ് നടത്തുന്നത്.
