ന്യൂഡൽഹി: അന്ധയായ അമ്മയെ തോളിലേന്തി ക്ഷേത്രസന്ദർശനം നടത്തുന്ന യുവാവിന് സഹായം വാഗ്ദാനം ചെയ്ത് ബോളിവുഡ് നടൻ അനുപം ഖേർ. ഇദ്ദേഹത്തിനും അമ്മയ്‌ക്കും രാജ്യത്തെവിടെയും തീർത്ഥാടനം നടത്താമെന്നും അതിനുള്ള പണം താൻ സ്പോൺസർ ചെയ്യുമെന്നും നടൻ അറിയിച്ചു. കൈലാഷ് ഗിരി ബ്രഹ്മചാരി എന്ന യുവാവിനും അമ്മയ്‌ക്കുമാണ് അനുപം ഖേർ സഹായഹസ്തം നീട്ടിയത്. ഇവരുടെ ചിത്രം അദ്ദേഹം ട്വിറ്ററിൽ പങ്കുവെയ്‌ക്കുകയും ചെയ്തു.
കാവി മുണ്ടുടുത്ത്, ഒരു മുളക്കമ്പിന്റെ ഇരുവശങ്ങളിലും ഓരോ കുട്ടകൾ കെട്ടിയാണ് കൈലാഷിന്റെ യാത്ര. ഒരു കൊട്ടയിൽ അവരുടെ സാധനങ്ങളും മറ്റൊരു കുട്ടയിൽ കൈലാഷിന്റെ അമ്മയുമാണ് ഇരിക്കുന്നത്. ’20 വർഷമായി അമ്മയെ തോളിലേന്തി നടക്കുകയാണ്. ഇതാണ് ആധുനിക ശ്രാവൺ കുമാർ എന്നറിയപ്പെടുന്ന കൈലാഷ് ഗിരി ബ്രഹ്മചാരി. അമ്മയുടെ ആഗ്രഹങ്ങൾ നിറവേറ്റുന്നതിനായി ഇന്ത്യയിലെ വിവിധ തീർഥാടന കേന്ദ്രങ്ങൾ സന്ദർശിക്കുകയാണ് ഇദ്ദേഹം.കഴിഞ്ഞ 20 വർഷമായി അന്ധയായ അമ്മയെ ചുമലിലേറ്റി നടക്കുകയാണ്. നിലവിൽ അമ്മയ്‌ക്ക് 80 വയസുണ്ട്.എന്നാണ് അദ്ദേഹം ചിത്രത്തോടൊപ്പം എഴുതിയിരുന്നത്.
The description in the pic is humbling! Pray it is true! So If anybody can find the whereabouts of this man please do let us know. The @anupamcares will be honoured to sponsor all his journeys with his mother to any pilgrimage in the country all his life. 🙏🕉 #MondayMotivation pic.twitter.com/Ec6dDE1QbN
— Anupam Kher (@AnupamPKher) July 4, 2022
ഈ മനുഷ്യൻ എവിടെയാണെന്ന് ആർക്കെങ്കിലും കണ്ടെത്താൻ കഴിയുമെങ്കിൽ, ദയവായി തന്നെ അറിയിക്കണമെന്നും ജീവിതകാലം മുഴുവൻ അവർക്ക് രാജ്യത്തെ ഏതു സ്ഥലത്തും തീർത്ഥാടനം നടത്താമെന്നും അമ്മയ്‌ക്കൊപ്പമുള്ള അദ്ദേഹത്തിന്റെ എല്ലാ യാത്രകളും സ്പോൺസർ ചെയ്യുമെന്നും നടൻ ട്വീറ്റ് ചെയ്തു
Comments