2022ലെ ഏറ്റവും വലിയ സൂപ്പർമൂൺ ദൃശ്യമായി. ചന്ദ്രന്റെ 90 ശതമാനവും ദൃശ്യമാകുന്ന പ്രതിഭാസത്തെ ലോകമെമ്പാടുമുള്ള ജനങ്ങൾ വലിയ ആകാംക്ഷയോടെയാണ് വരവേറ്റത്. ഈ വർഷം ആകെ മൂന്ന് സൂപ്പർമൂണുകളാണ് കാണാനാകുക. അതിൽ രണ്ടാമത്തെ സൂപ്പർമൂണാണ് ഇന്ന് ദൃശ്യമായത്. ഇന്ത്യയിൽ ബുധനാഴ്ച രാത്രിയാണ് സൂപ്പർമൂൺ പൂർണമായി ദൃശ്യമാകുക. രാത്രി 12.08ന് ഇന്ത്യയിൽ സൂപ്പർമൂൺ കാണാനാകും.
ചന്ദ്രൻ ഭൂമിയോട് ഏറ്റവും സമീപമെത്തുമ്പോഴാണ് സൂപ്പർമൂൺ എന്ന പ്രതിഭാസമുണ്ടാകുന്നത്. 2022ലെ ഏറ്റവും വലിയ സൂപ്പർമൂൺ ഇന്ന് ദൃശ്യമായപ്പോൾ ഭൂമിയിൽ നിന്നും 3,57,264 കിലോമീറ്റർ മാത്രം അകലെയായിരുന്നു ചന്ദ്രൻ. (സാധാരണയായി ഭൂമിയിൽ നിന്നും 3.85 ലക്ഷം കിലോമീറ്റർ അകലെയാണ് ചന്ദ്രനുള്ളത്.)
പത്യേക കഴിവുകളോ ശേഷികളോ ഒന്നും തന്നെ സൂപ്പർമൂണിന് ഉണ്ടാകില്ല. മറിച്ച് പതിവിന് വിപരീതമായി കൂടുതൽ വലിപ്പത്തിലും പ്രകാശത്തിലും തിളക്കമേറിയ ചന്ദ്രനെ കാണാൻ കഴിയുമെന്നതാണ് സൂപ്പർമൂണിന്റെ പ്രത്യേകത.
ജൂലൈ 13ന് ദൃശ്യമായ സൂപ്പർമൂൺ ഈ വർഷത്തെ തന്നെ ഏറ്റവും വലിയതായതിനാൽ ‘ബക്ക് മൂൺ’ എന്നും ഇത് അറിയപ്പെടുന്നു. അടുത്ത മൂന്ന് ദിവസം വരെ സൂപ്പർമൂണിനെ കാണാൻ കഴിയും. ഏറ്റവും വലിപ്പത്തിലും പ്രകാശത്തിലും ഇന്നാണ് ദൃശ്യമാകുക.
നാസ പുറത്തുവിടുന്ന റിപ്പോർട്ട് പ്രകാരം ഈ വർഷത്തെ മൂന്നാമത്തേതും ഒടുവിലത്തേതുമായ സൂപ്പർമൂൺ ഓഗസ്റ്റ് 12നാണ് ദൃശ്യമാകുക.
Comments