വീടിനകത്തേക്ക് കയറിപോകുന്ന കൂറ്റൻ പെരുമ്പാമ്പിന്റെ വീഡിയോയാണ് ഇപ്പോൾ സോഷ്യൽമീഡിയയിൽ ചർച്ചയാകുന്നത്. ആരെയും അമ്പരപ്പിക്കുന്ന ദൃശ്യങ്ങൾ യഥാർത്ഥമാണോ അല്ലയോ എന്നുള്ള തർക്കത്തിലാണ് ഇന്റർനെറ്റ് ലോകം. ഫോട്ടോഷോപ്പാണെന്ന് തോന്നിപ്പോകുന്ന ദൃശ്യങ്ങൾ യഥാർത്ഥമാണന്നാണ് ഭൂരിഭാഗം പേരും അവകാശപ്പെടുന്നത്.
ഇന്ത്യൻ ഫോറസ്റ്റ് സർവീസ് ഓഫീസറായ സുശാന്ത നന്ദ ഈ ദൃശ്യങ്ങൾ ട്വിറ്ററിൽ പങ്കുവെച്ചതോടെയാണ് വലിയ ചർച്ചകൾക്ക് തുടക്കമിട്ടത്. ഒരുപാട് ഷോട്ടോഷോപ്പ് വീഡിയോകൾ കണ്ടിട്ടുണ്ടെങ്കിലും ഇത് ‘ഫോട്ടോ ഷോക്ക്ഡ്’ വീഡിയോ ആയിപ്പോയെന്നാണ് സുശാന്ത നന്ദ പറയുന്നത്.
I had seen many photo shopped videos…
But this was a photo shocked one to me 😳
Via Escribano pic.twitter.com/y6E0uTIAfx— Susanta Nanda IFS (@susantananda3) July 11, 2022
സുശാന്ത പങ്കുവെച്ച വീഡിയോയിൽ വീടിനകത്തേക്ക് കയറിപോകുന്ന പെരുമ്പാമ്പിനെ വ്യക്തമായി കാണാവുന്നതാണ്. വീടിന്റെ മുൻവശത്ത് മോട്ടോർസൈക്കിളും ഒരു സൈക്കിളും ജലസംഭരണിയും വെച്ചിരിക്കുന്നത് കാണാം. ഇതിന് സമീപത്തേക്കാണ് പെരുമ്പാമ്പ് പതിയെ ഇഴഞ്ഞുനീങ്ങുന്നത്. 65,000ത്തിലധകം ആളുകൾ കണ്ടുകഴിഞ്ഞ വീഡിയോയുടെ യാഥാർത്ഥ്യവും പിന്നാമ്പുറക്കഥയും ഇപ്പോഴും അജ്ഞാതമായി തുടരുകയാണ്.
ഇത്രമാത്രം നീളമുള്ള പെരുമ്പാമ്പ് ഉണ്ടാകില്ലെന്നാണ് പലരുടെയും പ്രതികരണം. എന്നാൽ വർഷങ്ങൾക്ക് മുമ്പ് ഫ്‌ളോറിഡയിൽ നിന്നും 18 അടി നീളവും 98 കിലോ ഭാരവുമുള്ള പെരുമ്പാമ്പിനെ കണ്ടെത്തിയതായി റിപ്പോർട്ടുകൾ പുറത്തുവന്നിട്ടുണ്ട്.
Comments