ധൈര്യ ശാലികളായ ഇന്ത്യൻ സിംഹങ്ങളുടെ പ്രത്യേകതകൾ എന്തെല്ലാമെന്ന് നോക്കാം .

സിംഹങ്ങളെ കാണാത്തവരായി ആരും തന്നെ ഉണ്ടാകില്ല . മൃഗശാലകളിൽ പോയവർ തീർച്ചയായും അവയെ അടുത്ത് നിന്ന്
കണ്ടിട്ടുണ്ടാകും . സിംഹങ്ങളെ കാണുമ്പോൾ ചിലപ്പോൾ നമ്മുടെ രോമങ്ങൾ തന്നെ എഴുന്നേറ്റു നിന്ന് പോകാറുണ്ട് . അവർ പൊതുവെ ശാന്തശീലരാനാണ്. ഇര പിടിക്കുന്ന സമയത്തൊഴികെ സിംഹങ്ങളുടെ സമീപത്തുകൂടി ആരെങ്കിലും കടന്നു പോയാൽ പോലും അവ അക്രമിക്കാറില്ല . കൂട്ടമായി എവിടെ എങ്കിലും അനങ്ങാതെ ആർക്കും ശല്യമുണ്ടാക്കാതെ കിടപ്പുണ്ടാകും . ഇര പിടിക്കുന്ന സമയത്താണെങ്കിലോ ചെന്നായ്‌ക്കളെ പോലെ ഇരകളോട് ഒരുപാട് ക്രൂരത കാണിക്കാറില്ല എന്നതും ഇവറ്റകളുടെ പ്രത്യേകതയാണ് .

ഇന്ത്യയിൽ ഏറ്റവും കൂടുതൽ സിംഹങ്ങൾ ഉള്ളത് ഗുജറാത്തിലെ ഗീർ വനത്തിലാണ്. ധൈര്യശാലികളും ചങ്കുറപ്പുള്ളവരുമായത് കൊണ്ടാകണം അവയെ ഇന്ത്യയുടെ ദേശീയ ചിഹ്നത്തിന്റെ നടുവിൽ പ്രതിഷ്ഠിച്ചതും . സിംഹങ്ങൾ പൂച്ചയുടെ ഗണത്തിൽ പെട്ട ജീവിയാണ് . ശക്തവും ഒതുക്കമുള്ളതുമായ ശരീരവും ഇരയെ വേട്ടയാടി കീഴ്‌പ്പെടുത്തുന്നതിനു പറ്റിയ ശക്തമായ മുൻകാലുകളും , ബലമുള്ള പല്ലുകൾ, താടിയെല്ലുകൾ തുടങ്ങിയവയാണ് ഇവയുടെ ഏറ്റവും വലിയ പ്രത്യേകതൾ. പെൺ സിംഹങ്ങൾക്ക് മഞ്ഞ കലർന്ന സ്വർണ്ണ നിറമുള്ള ഷാഗി മേനുകളാണ് ഉള്ളത് . എന്നാൽ ആൺ സിംഹങ്ങളെ ചുവപ്പ് കലർന്ന തവിട്ട് നിറങ്ങളിലുമായിട്ടാണ് കാണപ്പെടുന്നത് .

ആൺ സിംഹങ്ങളാണ് മിക്ക പ്രതിരോധ ചുമതലകളും ഏറ്റെടുക്കുന്നത്. അവയുടെ ഉച്ചത്തിലുള്ള ഗർജ്ജനം അഞ്ച് മൈൽ അകലെ വരെ കേൾക്കാൻ സാധിക്കും . ഇന്ത്യൻ സിംഹങ്ങളുടെ ഭാരം 150 മുതൽ 250 കിലോഗ്രാം വരെയാണ് സാധാരണ ഉണ്ടാകാറുള്ളത് . ഇവർക്ക് പൊതുവെ രാത്രിയിലും നല്ല കാഴ്ച ശക്തിയുണ്ടെന്നാണ് പറയുന്നത് . അവ മനുഷ്യരേക്കാൾ 6 മടങ്ങ് കൂടുതൽ സംവേദനക്ഷമതയുള്ളവയുമാണ്.

സിംഹങ്ങൾ പൊതുവെ അവർക്കിഷ്ടമുള്ളവർക്ക് വേണ്ടി എന്ത് ത്യാഗവും സഹിക്കാൻ ധൈര്യമുള്ളവരാണ് . മറ്റുള്ളവരെല്ലാവരും കൂട്ടം തെറ്റി പല വഴിക്ക് പോകുമ്പോൾ സിംഹങ്ങൾ സ്വന്തം ദിശയിലേക്ക് തന്നെയാണ് പോകാറുള്ളത് . ഭയപ്പെട്ടാലും പിന്തിരിഞ്ഞു പോകാതെ ഒറ്റക്ക് നിന്ന് എത്ര വലിയ പോരാളികളെയും , അവരുടെ വെല്ലുവിളികളെയും നേരിടാൻ തയ്യാറാണ്.

സിംഹങ്ങളെ കാട്ടിലെ രാജാവ് എന്നറിയപ്പെടുന്നത് അവർ എവിടെ പോയാലും അവിടെ ആധിപത്യം സ്ഥാപിക്കുന്നത് കൊണ്ടാണ് . മാത്രമല്ല തങ്ങളുടെ നേരെ അക്രമത്തിനു വരാൻ ആരെയും അവർ അനുവദിക്കില്ല എന്നതും അവരുടെ പ്രത്യേകതയാണ് .