മഹാരാഷ്ട്ര (ചന്ദ്രാപൂർ ) : അണക്കെട്ടിൽ നിന്ന് പുറന്തള്ളുന്ന വെള്ളത്തിന് കുറുകെ മത്സ്യം പിടിക്കാൻ എത്തുന്ന നാട്ടുകാർ അപകടങ്ങളിൽ പെടുന്നത് നിത്യ സംഭവമാകുന്നു . മഹാരാഷ്ട്രയിൽ അതി ശക്തമായ മഴ പെയ്യുന്നതിനാൽ ഡാമുകൾ നിറയുന്ന സാഹചര്യമാണുള്ളത് . മഴയത്ത് വെള്ളം നിറഞ്ഞു തുറന്നുവിട്ട ചന്ദ്രപ്പൂരിലെ പക്കാഡിഗുഡ്ഡം എന്ന ഡാമിന് സമീപം ഗ്രാമവാസികൾ മൽസ്യം പിടിക്കാൻ ഇറങ്ങി അപകടത്തിലാകുന്നത് പതിവാകുന്നു .
ഡാം മാനേജ്മന്റ് അതോറിറ്റിയുടെ കണ്ണ് വെട്ടിച്ചാണ് ആളുകൾ ഇവിടേക്ക് വരുന്നത് . മൽസ്യബന്ധന വലകളും , ജലാശയത്തിനു കുറുകെ മൽസ്യം പിടിക്കാൻ നിൽക്കുന്ന നിരവധി ആളുകളുടെയും വീഡിയോ കഴിഞ്ഞ ദിവസം പുറത്തു വന്നതോടെ ജില്ലാ ഭരണകൂടം അന്വേഷണത്തിന് ഉത്തരവിടുകയായിരുന്നു .
മൽസ്യം പിടിക്കാൻ ഇറങ്ങുന്ന നിരവധി ആളുകൾ അപകടത്തിൽ പെടുന്ന സാഹചര്യം ഇവിടെ നിലനിൽക്കുന്നുണ്ട് . ഇത്തരത്തിൽ ഇനി ആവർത്തിച്ചാൽ തീർച്ചയായും ഭരണകൂടം വേണ്ട നടപടികൾ സ്വീകരിക്കും . അതോടൊപ്പം ജനങ്ങളെ ബോധവൽക്കരിക്കാനുള്ള നടപടി ക്രമങ്ങളും കൈക്കൊള്ളുമെന്നും ജില്ലാ കളക്ടർ അജയ് ഗുൽഹാനെ പറഞ്ഞു.
Comments