നുപൂർ ശർമ്മയോട് മാപ്പ് ആവശ്യപ്പെടുന്നവർ ഒവൈസിയുടെ അധിക്ഷേപം കാണുന്നില്ലേയെന്ന് രാജ് താക്കറെ; ഒവൈസിക്ക് ഹിന്ദു ദൈവങ്ങളെക്കുറിച്ച് എന്തും പറയാവുന്ന സ്ഥിതി

ന്യൂഡൽഹി: നൂപുർ ശർമ്മ വിഷയത്തിൽ വീണ്ടും പ്രതികരണവുമായി മഹാരാഷ്‌ട്ര നവ നിർമ്മാൺ സേന നേതാവ് രാജ് താക്കറെ. എഐഎംഐഎം നേതാവ് അസദുദ്ദീൻ ഒവൈസി ഹിന്ദു ദൈവങ്ങളെ അപമാനിച്ച് സംസാരിക്കുമ്പോൾ മാത്രം പ്രതികരിക്കാൻ ആരുമില്ലെന്ന് അദ്ദേഹം പറഞ്ഞു. ദേശീയ മാദ്ധ്യമത്തിന് നൽകിയ അഭിമുഖത്തിലാണ് അദ്ദേഹം നുപൂർ ശർമ്മ വിഷയത്തെക്കുറിച്ച് പ്രതികരിച്ചത്.

പ്രവാചകനെക്കുറിച്ച് നൂപുർ ശർമ്മ പരാമർശം നടത്തിയപ്പോൾ നാനാഭാഗത്തു നിന്നും വിമർശനങ്ങൾ ഉണ്ടായി. പരാമർശത്തിൽ മറ്റുള്ളവരും മാപ്പ് പറയണം എന്നും ആവശ്യം ഉയർന്നിരുന്നു. പൊതുപരിപാടിയിൽ അസദുദ്ദീൻ ഒവൈസി ഹിന്ദു ദൈവങ്ങളെ അപമാനിച്ച് സംസാരിക്കുമ്പോൾ ആരും വിമർശിക്കുന്നത് കണ്ടിട്ടില്ല. അസദുദ്ദീൻ ഒവൈസിയ്‌ക്ക് വേണ്ടി മറ്റുള്ളവരോട് മാപ്പ് പറയാൻ ആരും ആവശ്യപ്പെടുകയില്ല. ഹിന്ദു ദൈവങ്ങളെക്കുറിച്ച് ഒവൈസിയ്‌ക്ക് മാത്രം എന്തും പറയാമെന്നും അദ്ദേഹം പ്രതികരിച്ചു.

അതേസമയം നവനിർമ്മാൺ സേനയും മഹാരാഷ്‌ട്ര സർക്കാരും തമ്മിൽ സഖ്യമുണ്ടാക്കാൻ ആഗ്രഹിക്കുന്നതായി രാജ് താക്കറെ വ്യക്തമാക്കി.