ഡൽഹി : ഭാരതം 75 മത് സ്വാതന്ത്ര്യ ദിനം ആഘോഷിക്കാൻ പോകുന്ന വേളയിൽ രാജ്യത്തിന്റെ പ്രതിരോധ മേഖലയിൽ ശക്തമായ ഇടപെടലുകൾ നടത്തി കേന്ദ്ര സർക്കാർ . സർക്കാർ നടപ്പിലാക്കിയ മേക്ക് ഇൻ ഇന്ത്യ പദ്ധതിയുമായി ബന്ധപ്പെടുത്തി ആയുധ ഉപകരണങ്ങൾ നിർമ്മിക്കാനാണ് തീരുമാനം . രാജ്യം സ്വയം പര്യാപ്തത നേടുക എന്ന സന്ദേശം വിളിച്ചോതിയാണ് സംരംഭത്തിന് തുടക്കം കുറിക്കുന്നത് .
ഇന്ത്യയുടെ പ്രതിരോധ മേഖലയിൽ മേക്ക് ഇൻ ഇന്ത്യ പദ്ധതി പ്രോത്സാഹിപ്പിക്കുന്നതിനുള്ള കാൽവയ്പ്പായിരിക്കും ഇതെന്ന് പ്രതിരോധവിദഗ്ധർ വിലയിരുത്തുന്നു. രാജ്യപുരോഗതിക്ക് വേണ്ടി നമ്മൾ കൂടുതൽ കാര്യങ്ങൾ ചെയ്യണം . നിലവിൽ കേന്ദ്ര പ്രതിരോധ വകുപ്പ് ആയുധ നിർമ്മാണത്തിനുള്ള 107 ലൈസൻസുകളും , ആയുധങ്ങൾ നിർമ്മിക്കുന്നതിന് വേണ്ടിയുള്ള നിർമ്മാണ യൂണിറ്റുകൾ സ്ഥാപിക്കുന്നതിനുള്ള 584 പ്രതിരോധ ലൈസൻസുകളും 358 സ്വകാര്യ കമ്പനികൾക്കായി സർക്കാർ നൽകി കഴിഞ്ഞു . ഇത് കൂടാതെ പലയിടങ്ങളിലായി 16 പ്രതിരോധ പൊതുമേഖല കമ്പനികൾ സായുധ സേനയ്ക്ക് ആവശ്യമായ വിവിധ പ്ലാറ്റ്ഫോമുകളും ഉപകരണങ്ങളും നിർമ്മിച്ചു നൽകുമെന്നും രാജ്യ സുരക്ഷാ വകുപ്പ് മന്ത്രി അജയ് ഭട്ട് പറഞ്ഞു . ഇന്ന് നടന്ന രാജ്യസഭ വേദിയിലാണ് അദ്ദേഹം ഈ വിവരം പറഞ്ഞത് .
രാജ്യത്തിന്റെ വളർച്ചക്കും പുരോഗതിക്കും ആത്മനിർഭർ ഭാരത് എന്ന പദ്ധതിക്ക് സർക്കാർ തുടക്കം കുറിച്ചിരുന്നു .രാജ്യം അഭിവൃദ്ധിപ്പെടാൻ നമ്മുടെ ജനങ്ങൾ സ്വയം പര്യാപ്തത കൈവരിക്കണമെന്ന് പ്രധാനമന്ത്രി പറഞ്ഞിരുന്നു . അതിന്റെ ഭാഗമായി കൂടുതൽ പ്രവർത്തനങ്ങൾ രാജ്യത്തിന്റെ വിവിധ മേഖലകളിലായി നടത്തുന്നുണ്ട് . ഈ സ്വാതന്ത്ര്യ ദിനത്തിൽ കൂടുതൽ ഉയർച്ചയിൽ നമ്മുടെ രാജ്യം എത്തിയിരിക്കുന്നു എന്ന് പറയാൻ സാധിക്കണമെന്നും പ്രധാനമന്ത്രി മുൻപ് പറഞ്ഞിരുന്നു . ഇന്ത്യയിൽ നിർമ്മിക്കുന്ന ആയുധങ്ങളും മാറ്റ് ഉൽപ്പന്നങ്ങളും ലോക വിപണിയിൽ മുൻ നിരയിൽ എത്തിക്കണം . ഇതിനായി നമ്മൾ ഒറ്റക്കെട്ടായി ഒരു മനസ്സോടെ രാജ്യപുരോഗതിക്കായി ചിന്തിക്കണമെന്നും അദ്ദേഹം പറഞ്ഞു .
Comments