ന്യൂഡൽഹി: കോമൺവെൽത്ത് ഗെയിംസ് ഭാരോദ്വഹനത്തിൽ സ്വർണ മെഡൽ നേടി ഇന്ത്യയുടെ യശസ്സ് ഉയർത്തിയ അചിന്ത ഷീലിക്ക് അഭിനന്ദനങ്ങൾ അറിയിച്ച് സൈന്യം. കരസേനയിൽ ഹവീൽദാറായ ഇന്ത്യൻ യുവതാരത്തിന്റെ വിജയം സേനക്ക് അഭിമാനമാണെന്ന് ആർമി അഡീഷണൽ ഡയറക്ടറേറ്റ് അറിയിച്ചു.
2022 കോമൺവെൽത്ത് ഗെയിംസിൽ 73 കിലോ വിഭാഗം ഭാരോദ്വഹനത്തിൽ 313 കിലോ ഗ്രാം ഉയർത്തി സ്വർണ മെഡൽ നേടിയ ഹവീൽദാർ അചിന്ത ഷീലിക്ക് ഇന്ത്യൻ സൈന്യത്തിന്റെ അഭിനന്ദനങ്ങൾ. സേന ഔദ്യോഗിക ട്വിറ്റർ അക്കൗണ്ടിൽ കുറിച്ചു.
ഇന്ത്യക്ക് വേണ്ടി സ്വർണ മെഡൽ നേടിയ അചിന്തയെ അഭിനന്ദിച്ച് പ്രധാനമന്ത്രി നരേന്ദ്ര മോദിയും രാഷ്‌ട്രപതി ദ്രൗപദി മുർമുവും ഉൾപ്പെടെ നിരവധി പ്രമുഖർ രംഗത്ത് വന്നു. അവസാന റൗണ്ടിൽ 143 കിലോ ഉയർത്തി ഗെയിംസ് റെക്കോർഡോടെയാണ് അചിന്ത സ്വർണം നേടിയത്.
ഈ ഗെയിംസിലെ ഇന്ത്യയുടെ ആറാം മെഡലാണ് അചിന്ത ഷീലി സ്വന്തമാക്കിയത്. രാജ്യത്തിന്റെ മൂന്നാം സ്വർണ മെഡൽ നേട്ടമാണ് ഇത്.
