ശക്തമായ മഴ; 10 ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി

പാലക്കാട്: ശക്തമായ മഴ തുടരുന്ന സാഹചര്യത്തിൽ കൂടുതൽ ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ (ബുധൻ) അവധി. 10 ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് ജില്ലാ കളക്ടർമാർ അവധി പ്രഖ്യാപിച്ചത്. മഴ ശക്തിയായി തുടരുന്ന സാഹചര്യത്തിൽ
ജനങ്ങൾ അതീവ ജാഗ്രത തുടരണമെന്നും ജില്ലാ കളക്ടർമാർ മുന്നറിയിപ്പ് നൽകി.

ആലപ്പുഴ, കോഴിക്കോട്, തൃശൂർ, കോട്ടയം, എറണാകുളം, മലപ്പുറം, ഇടുക്കി, പത്തനംതിട്ട, പാലക്കാട്, വയനാട് എന്നീ ജില്ലകളിലാണ് അവധി പ്രഖ്യാപിച്ചത്. ജില്ലകളിൽ അങ്കണവാടികൾക്കും പ്രൊഫഷണൽ കോളേജുകൾക്കുമുൾപ്പെടെ അവധിയാണ്. വയനാട് റസിഡൻഷ്യൽ സ്‌കൂളുകൾക്ക് അവധി ബാധകമായിരിക്കില്ല. മുൻകൂട്ടി നിശ്ചയിച്ച പരീക്ഷകൾക്കും അഭിമുഖത്തിനും അവധി ബാധകമായിരിക്കില്ലെന്നും ജില്ലാ കളക്ടർമാർ അറിയിച്ചു.

അതേസമയം മഹാത്മാഗാന്ധി സർവ്വകലാശാല നാളെ നടത്താനിരുന്ന എല്ലാ പരീക്ഷകളും മാറ്റി. പരീക്ഷാ കൺട്രോളറാണ് ഇക്കാര്യം അറിയിച്ചത്. പുതിയ തിയതി പിന്നീട് അറിയിക്കുമെന്നും സർവ്വകലാശാല അറിയിച്ചു.