കൊല്ലം ; കൊല്ലത്ത് ലെയ്സ് നൽകാത്തതിന് യുവാക്കളെ കൂട്ടം ചേർന്ന് മർദ്ദിത്ത സംഭവത്തിൽ ഒരാൾ അറസ്റ്റിൽ. വാളത്തുങ്കൽ സ്വദേശി മണികണ്ഠനെയാണ് പൊലീസ് അറസ്റ്റ് ചെയ്തത്. മൂന്ന് പേർ ഒളിവിലാണ്. പ്രതികൾക്കെതിരെ ജാമ്യമില്ലാ വകുപ്പ് പ്രകാരം കേസെടുത്തിട്ടുണ്ട്.
കൊല്ലം വാളത്തുങ്കൽ ഫിലിപ്പ് മുക്കിൽ ഇന്നലെ വൈകീട്ടോടെയായിരുന്നു സംഭവം. . ഇരവിപുരം സ്വദേശികളായ അനന്തു, നീലകണ്ഠൻ എന്നിവർക്ക് നേരെയാണ് ആക്രമണം ഉണ്ടായത്. ലെയ്സ് ചോദിച്ചിട്ട് കൊടുത്തില്ലെന്ന് പറഞ്ഞായിരുന്നു മദ്യപസംഘത്തിന്റെ മർദ്ദനം. യുവാക്കൾക്ക് നേരെ ഇവർ അസഭ്യ വർഷം നടത്തി.
പ്രദേശത്ത് കണ്ടുപരിചയം ഉള്ളവരാണ് മർദ്ദിച്ചത് എന്ന് ആക്രമണത്തിന് ഇരയായ നീലകണ്ഠൻ പറഞ്ഞു. എന്നാൽ കോഴിയെ മോഷ്ടിച്ചെന്ന് ആരോപിച്ചായിരുന്നു മർദ്ദനം എന്നാണ് പോലീസ് പറയുന്നത്. സംഭവത്തിൽ അന്വേഷണം പുരോഗമിക്കുകയാണ്.
Comments