ബിംഗോൾ; മനുഷ്യരിൽ ഭൂരിഭാഗവും ഭയപ്പെടുന്ന ഇഴജന്തുവാണ് പാമ്പ്. പാമ്പ് കടിക്കുന്നത് അപകടമായത് കൊണ്ടാണിത്. എന്നാൽ തുർക്കിയിലെ ബിംഗോളിലെ രണ്ടുവയസുകാരിക്ക് പാമ്പോ? അതൊക്കെ എന്ത് എന്ന മട്ടാണ്.
കാരണം പൂന്തോട്ടത്തിൽ കളിച്ച് കൊണ്ടിരിക്കുകയായിരുന്ന അവളെ ഒരു പാമ്പ് കടിച്ചു. ചുണ്ടിനായിരുന്നു പാമ്പ് കടിച്ചത്. ഏകദേശം 50 സെന്റീമീറ്റർ വലിപ്പമുള്ള പാമ്പാണ് കുഞ്ഞിനെ കടിച്ചത്. എന്നാൽ തന്നെ വേദനിപ്പിച്ച പാമ്പിനെ വെറുതെ വിടാൻ അവൾ ഒരുക്കമായിരുന്നില്ല.
തന്നെ കടിച്ച പാമ്പിനെ അവളും തിരിച്ചു കടിച്ചു. കുഞ്ഞിന്റെ നിലവിളിയും മറ്റും കേട്ട് പൂന്തോട്ടത്തിലേക്ക് ഓടിയെത്തിയ അയൽക്കാരും വീട്ടുകാരും കണ്ടത്. വായിൽ പാമ്പുമായി ഇരിക്കുന്ന രണ്ടുവയസുകാരിയെ ആണ്. ഒറ്റ നോട്ടത്തിൽ റബ്ബർ പാമ്പാണെന്ന് തോന്നിയെങ്കിലും പിന്നീടാണ് കാര്യത്തിന്റെ ഗൗരവം മനസിലായത്. കുഞ്ഞിനെ ഉടൻ തന്നെ ആശുപത്രിയിലെത്തിച്ച് ചികിത്സ നൽകി. വിഷമില്ലാത്ത പാമ്പായിരുന്നു കുഞ്ഞിനെ കടിച്ചത്.
Comments