കൊച്ചി: നടി ഭാവനയെ പ്രശംസിച്ച് മഞ്ജു വാര്യർ. കരുത്തിന്റെ പ്രതീകമാണ് ഭാവനയെന്നാണ് മഞ്ജു വാര്യർ പറഞ്ഞിരിക്കുന്നത്. കൊച്ചിയിലെ ഒരു സ്വകാര്യ സ്ഥാപനം നടത്തിയ ക്യാൻസർ ബോധവത്കരണ ക്യാമ്പെയിൻ പരിപാടിയ്‌ക്കിടെയാണ് താരത്തിന്റെ പ്രതികരണം. കരുത്തിന്റെ പ്രതീകമാണ് ഭാവന. അതിജീവനം എന്ന വാക്കിന്റെ ഉത്തമ ഉദാഹരണം. തന്റെ ജീവിതത്തോട് ഏറ്റവും ചേർന്ന് നിൽക്കുന്ന സൗഹൃദമാണ് ഭാവനെയെന്നും മഞ്ജു വാര്യർ പറഞ്ഞു.
അതേസമയം, സിനിമയിലേയ്‌ക്ക് വലിയ തിരിച്ചു വരവിനൊരുങ്ങുകയാണ് നടി ഭാവന. ‘ന്റിക്കാക്കാക്കൊരു പ്രേമണ്ടാർന്ന്’ എന്ന ചിത്രത്തിലൂടെയാണ് ഭാവനയുടെ തിരിച്ചുവരവ്. ആദിൽ മൈമൂനത്ത് അഷ്റഫാണ് ചിത്രത്തിന്റെ സംവിധായകൻ. ഷറഫുദ്ധീൻ ആണ് സിനിമയിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ചിത്രത്തിന്റെ ഷൂട്ടിംഗ് പുരോഗമിച്ചു കൊണ്ടിരിക്കുകയാണ്. ഭദ്രൻ സംവിധാനം ചെയ്യുന്ന ‘ഇഒ’ എന്ന സിനിമയിലും താരം വേഷം ചെയ്യുന്നുണ്ട്.
വെട്രിമാരൻ സംവിധാനം ചെയ്ത അസുരന് ശേഷം മഞ്ജുവാര്യർ വീണ്ടും തമിഴിൽ അഭിനയിക്കുകയാണ്. തല അജിത്ത് നായകനാകുന്ന ‘എകെ 61’ എന്ന ചിത്രമാണ് മഞ്ജു വാര്യരുടേതായി അണിയറയിൽ ഒരുങ്ങുന്ന തമിഴ് ചിത്രം. സന്തോഷ് ശിവൻ സംവിധാനം ചെയ്ത ‘ജാക്ക് ആന്റ് ജിൽ’ ആണ് മഞ്ജു വാര്യരുടേതായി ഒടുവിൽ പുറത്തിറങ്ങിയ ചിത്രം. ‘വെള്ളരി പട്ടണം’ എന്ന മഹേഷ് വെട്ടിയാർ ചിത്രമാണ് അടുത്തതായി താരത്തിന്റെ റിലീസ് ചെയ്യുന്ന സിനിമ.
Comments