ഉത്തേജക മരുന്ന് ഉപയോഗിച്ചെന്ന പരിശോധനയിൽ പൈലറ്റിനെതിരെ കർശന നടപടിക്കൊരുങ്ങി ഡയറക്ടർ ജനറൽ ഓഫ് സിവിൽ ഏവിയേഷൻ. പ്രമുഖ എയർലൈൻസിന്റെ പൈലറ്റിനെ മയക്കുമരുന്ന് ഉപയോഗിക്കുന്നതായി കണ്ടെത്തിയതിനെ തുടർന്ന് വിദഗ്ധ പരിശോധന നടത്തുകയായിരുന്നു. ഇയാളിൽ കൂടിയ അളവിൽ ലഹരി മരുന്നിന്റെ സാന്നിധ്യം കണ്ടെത്തിയതിനെ തുടർന്ന് ജോലിയിൽ നിന്നും നീക്കം ചെയ്യുന്നതായി ഉദ്യോഗസ്ഥർ അറിയിച്ചു.
ലഹരി ഉപയോഗം നടത്തുന്നതുമായി ബന്ധപ്പെട്ട് ഡൽഹി വിമാനത്താവളത്തിലെ എയർ ട്രാഫിക് കൺട്രോളർമാരെയും കഴിഞ്ഞ ദിവസങ്ങളിൽ പിടികൂടിയിരുന്നു. വീര്യം കൂടിയ ലഹരി മരുന്നുകൾ ഉപയോഗിച്ചതിന് ശേഷമാണ് ഇവർ വിമാനത്തിലെ പല ജോലികളും ചെയ്യുന്നതെന്ന് കണ്ടെത്തിയ ഡി ജി സി എ ഉദ്യോഗസ്ഥർ ശക്തമായ അന്വേഷണത്തിന് മേലധികാരികളോട് ഉത്തരവിട്ടിട്ടുണ്ടെന്ന് വ്യക്തമാക്കി.
