ന്യൂഡൽഹി: പ്രധാനമന്ത്രി നരേന്ദ്ര മോദിയുടെ പ്രതിമാസ റേഡിയോ പരിപാടിയായ മൻകി ബാത്ത് ഇന്ന്. രാവിലെ 11 മണിയ്‌ക്ക് പ്രധാനമന്ത്രി റേഡിയോയിലൂടെ രാജ്യത്തെ അഭിസംബോധന ചെയ്യും. മൻകി ബാത്തിന്റെ 92ാം എപ്പിസോഡാണ് ഇന്ന് നടക്കുക.
ഓഗസ്റ്റ് 15 ന് രാജ്യം സ്വാതന്ത്ര്യദിനം വിപുലമായി ആഘോഷിച്ചിരുന്നു. ഇതുമായി ബന്ധപ്പെട്ട കാര്യങ്ങൾ പ്രധാനമന്ത്രി ഇന്ന് പങ്കുവയ്‌ക്കുമെന്നാണ് കരുതുന്നത്. മറ്റ് സമകാലിക വിഷയങ്ങളെക്കുറിച്ചും അദ്ദേഹം മൻകി ബാത്തിൽ സംസാരിക്കും. ഇതിന് പുറമേ നമോ ആപ്പിൽ ആളുകൾ പങ്കുവയ്ച്ച ആശയങ്ങളെക്കുറിച്ചും പ്രധാനമന്ത്രി രാജ്യത്തോട് പങ്കുവയ്‌ക്കും.
കഴിഞ്ഞ മൻകി ബാത്തിൽ എല്ലാവരും വീടുകളിലും സ്ഥാപനങ്ങളിലും ദേശീയ പതാകകൾ ഉയർത്തി സ്വാതന്ത്ര്യദിനം ആഘോഷിക്കണമെന്നായിരുന്നു പ്രധാനമന്ത്രിയുടെ ആഹ്വാനം. ഇതിന് പുറമേ സ്വാതന്ത്ര്യസമരത്തിനിടെ രാജ്യത്തിനായി ജീവൻ ത്യജിച്ച സമര സേനാനികൾക്ക് അദ്ദേഹം ആദരവർപ്പിക്കുകയും ചെയ്തിരുന്നു.
മൻ കി ബാത്ത് ആൾ ഇന്ത്യ റേഡിയോ ന്യൂസ്, ഡിഡി ന്യൂസ്, പിഎംഒ, കേന്ദ്ര വാർത്താവിതരണ മന്ത്രാലയം എന്നിവയുടെ യൂട്യൂബ് ചാനലുകൾ വഴി തത്സമയം സംപ്രേഷണം ചെയ്യും.
Comments