പോരാട്ടം സൂപ്പർ ഫോർ ലക്ഷ്യമിട്ട്; ശ്രീലങ്കയ്‌ക്കെതിരെ ബംഗ്ലാദേശിന് മികച്ച സ്കോർ- Asia Cup 2022

ദുബായ്: ഏഷ്യാ കപ്പിലെ നിർണ്ണായക പോരാട്ടത്തിൽ ശ്രീലങ്കയ്‌ക്കെതിരെ ബംഗ്ലാദേശിന് മികച്ച സ്കോർ. ടോസ് നേടി ബൗളിംഗ് തിരഞ്ഞെടുത്ത ശ്രീലങ്കയ്‌ക്കെതിരെ ബംഗ്ലാദേശ് 20 ഓവറിൽ 7 വിക്കറ്റ് നഷ്ടത്തിൽ 183 റൺസ് നേടി. 39 റൺസെടുത്ത അഫീഫ് ഹുസൈനും 38 റൺസെടുത്ത ഓപ്പണർ മെഹ്ദി ഹസൻ മിറാജും 27 റൺസെടുത്ത മഹ്മൂദുള്ളയും 24 റൺസ് വീതമെടുത്ത ക്യാപ്ടൻ ഷകീബ് അൽ ഹസ്സനും മൊസാദെക് ഹുസൈനും ബംഗ്ലാദേശിന് വേണ്ടി മികച്ച ബാറ്റിംഗ് കാഴ്ചവെച്ചു.

ശ്രീലങ്കയ്‌ക്ക് വേണ്ടി കരുണരത്നെ, വാനിന്ദു ഹസരംഗ എന്നിവർ 2 വിക്കറ്റ് വീതം വീഴ്‌ത്തി. മധുശങ്ക, തീക്ഷണ, അസിത ഫെർണാണ്ടോ എന്നിവർക്ക് ഓരോ വിക്കറ്റ് ലഭിച്ചു.

ഇന്നത്തെ മത്സരത്തിൽ ജയിക്കുന്നവർക്ക് സൂപ്പർ ഫോറിലേക്കും തോൽക്കുന്നവർക്ക് പുറത്തേക്കുമുള്ള വഴി തുറക്കും. ഗ്രൂപ്പ് ബിയിലെ രണ്ട് മത്സരങ്ങളും ജയിച്ച് അഫ്ഗാനിസ്ഥാൻ നേരത്തേ അടുത്ത ഘട്ടത്തിലേക്ക് യോഗ്യത നേടിയിരുന്നു.