‘അഭിമാനം വാക്കുകൾക്കതീതം’; ഐഎൻഎസ് വിക്രാന്ത് കമ്മീഷൻ ചെയ്യുന്നതിന്റെ വീഡിയോ പങ്കുവെച്ച് പ്രധാനമന്ത്രി നരേന്ദ്ര മോദി

ന്യൂഡൽഹി: രാജ്യത്തെ ആദ്യത്തെ തദ്ദേശീയ വിമാനവാഹിനി കപ്പലായ ഐഎൻഎസ് വിക്രാന്ത് കമ്മീഷൻ ചെയ്യുന്നതിന്റെ വീഡിയോ പങ്കുവെച്ച് പ്രധാനമന്ത്രി നരേന്ദ്ര മോദി. ‘ഇന്ത്യയ്‌ക്ക് ഒരു ചരിത്രദിനം! ഐഎൻഎസ് വിക്രാന്തിൽ കയറിയപ്പോഴുണ്ടായ അഭിമാനം വാക്കുകൾക്കതീതം’ എന്നാണ് നരേന്ദ്ര മോദി തന്റെ ട്വിറ്ററിൽ കുറിച്ചത്.

A historic day for India!

Words will not be able to describe the feeling of pride when I was on board INS Vikrant yesterday. pic.twitter.com/vBRCl308C9

— Narendra Modi (@narendramodi) September 3, 2022

വിക്രാന്ത് വിശാലവും വിരാടവും വിഹംഗവുമാണ് എന്നാണ് പ്രധാനമന്ത്രി ഐഎൻഎസ് വിക്രാന്ത് കമ്മീഷൻ ചെയ്യവേ പറഞ്ഞത്. കേരളത്തിന്റെ മണ്ണിൽ ഓരോ ഇന്ത്യൻ പൗരനും പുതിയ ഭാവിയുടെ സൂര്യോദയത്തിന് സാക്ഷ്യം വഹിക്കുന്നുവെന്നും അദ്ദേഹം പറഞ്ഞു. കേവലമൊരു യുദ്ധകപ്പലിന് പുറമേ നൂറ്റാണ്ടിന്റെ തന്നെ രാജ്യത്തിന്റെ കഴിവിന്റെയും സ്വാധീനത്തിന്റെയും പ്രതിബന്ധതയുടെയും സാക്ഷ്യമാണെന്നും പ്രധാനമന്ത്രി വ്യക്തമാക്കി.

രാജ്യത്തിന്റെ സ്വപ്‌നം യാഥാർത്ഥ്യമാക്കിയവർക്ക് മോദി നന്ദി അറിയിക്കുകയും ചെയ്തു. തദ്ദേശീയമായി വിമാനവാഹിനി കപ്പൽ ഉള്ള രാജ്യങ്ങളുടെ പട്ടികയിൽ ഇന്ത്യയും സ്ഥാനം പിടിച്ചതായും ഇതിനായി പ്രവർത്തിച്ച ഓരോരുത്തർക്കും നന്ദി രേഖപ്പെടുത്തി അദ്ദേഹം. യുഎസ്,യുകെ, ഫ്രാൻസ്, ചൈന എന്നീ രാജ്യങ്ങളുടെ പട്ടികയിലാണ് ഇന്ത്യ സ്ഥാനം പിടിച്ചത്.