ന്യൂഡൽഹി: രാജ്യത്തിന് അതുല്യമായ സംഭാവനകൾ നൽകിയ അദ്ധ്യാപകരെ രാഷ്ട്രപതി ദ്രൗപദി മുർമു ഇന്ന് ആദരിക്കും.വിജ്ഞാൻ ഭവനിൽ നടക്കുന്ന ചടങ്ങിൽ മലയാളിയായ ജെയ്‌നസ് ജേക്കബ് ഉൾപ്പെടെ 46 അദ്ധ്യാപകരെയാണ് പുരസ്‌കാരം നൽകി ആദരിക്കുന്നത്. കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാന്റെ സാന്നിധ്യവും ചടങ്ങിലുണ്ടാകും.വിജ്ഞാൻ ഭവനിൽ നടക്കുന്ന പരിപാടി ദൂരദർശൻ, സ്വയംപ്രഭ ചാനലുകളിൽ തത്സമയം സംപ്രേക്ഷണം ചെയ്യും.
തൃശ്ശൂർ കേന്ദ്രീയ വിദ്യാലയത്തിലെ അധ്യാപികയാണ് ജെയ്‌നസ് ജേക്കബ് .കേന്ദ്രീയ വിദ്യാലയ സംഘതൻ വിഭാഗത്തിലാണ് ഇവർ തിരഞ്ഞെടുക്കപ്പെട്ടത്. ഓൺലൈനായി മൂന്ന് ഘട്ടമായാണ് തിരഞ്ഞെടുപ്പ പ്രക്രിയകൾ നടത്തിയത്. കേന്ദ്ര വിദ്യാഭ്യാസ മന്ത്രാലത്തിന്റെ നേതൃത്വത്തിലാണ് മികച്ച അദ്ധ്യാപകരെ കണ്ടെത്തിയത്. പ്രധാനമന്ത്രി നരേന്ദ്ര മോദി പുരസ്‌കാര ജേതാക്കളുമായി കൂടിക്കാഴ്ച നടത്തും.
2018 മുതലാണ് രാജ്യത്തെ മികച്ച അദ്ധ്യാപകർക്ക് ദേശീയ അവാർഡ് നൽകി തുടങ്ങിയത്. സെപ്റ്റംബർ 5 ന് വിജ്ഞാൻ ഭവനിൽ വിദ്യാഭ്യാസ മന്ത്രാലയമാണ് പുരസ്‌കാരങ്ങൾ നൽകുന്നത്. വിദ്യാർത്ഥികളുടെ ജീവിതം സമ്പന്നമാക്കി തീർക്കുന്ന അദ്ധ്യാപകരെ ആദരിക്കുക എന്ന ലക്ഷ്യത്തോടെയാണ് പുരസ്‌കാരം നൽകുന്നത്.
