മുംബൈ:റിലയൻസ് ഇൻഡസ്ട്രീസ് ചെയർമാനും മാനേജിംഗ് ഡയറക്ടറുമായ മുകേഷ് അംബാനി മുംബൈയിലെ പ്രശസ്തമായ ലാൽബൗച്ച രാജയിലെ ഗണേശ വിഗ്രഹത്തിന് മുന്നിലെത്തി പ്രാർത്ഥന നടത്തി. മകൻ അനന്ത് അംബാനിയും അദ്ദേഹത്തോടൊപ്പമുണ്ടായിരുന്നു.
മുംബൈയിൽ ഏറ്റവുമധികം ആളുകൾ സന്ദർശിക്കുന്ന ഗണേശ വിഗ്രഹമാണ് പുട്ട്ബായി ചാളിൽ സ്ഥിതി ചെയ്യുന്ന ലാൽബാഗ്ച രാജ. എല്ലാ വർഷവും ലക്ഷക്കണക്കിന് ഭക്തരാണ് ലാൽബാഗിൽ ലാൽബാഗ്ച രാജയെ ദർശിക്കാൻ എത്തുന്നത്.
10 ദിവസത്തെ ഗണേശോത്സവം ഇന്നാണ് സമാപിക്കുന്നത്. ഗണേശ വിഗ്രഹങ്ങൾ നിമജ്ജനം ചെയ്യുന്നതിനുള്ള ഘോഷയാത്രകൾ പല സ്ഥലങ്ങളിലും പുറപ്പെട്ടുകഴിഞ്ഞു, ഇതിനായി മുംബൈയിലും മഹാരാഷ്‌ട്രയുടെ മറ്റ് ഭാഗങ്ങളിലും വിപുലമായ ക്രമീകരണങ്ങൾ ഒരുക്കിയിട്ടുണ്ട്.
Comments